دھامی نے کہا – بی جے پی کا سنکلپ پتر ترقی کی ضمانت ہے

دہرادون، 15 جنوری (ہ س)۔

بی جے پی نے اتراکھنڈ میں بلدیاتی انتخابات کے لیے منشور جاری کر دیا ہے۔ دہرادون میں بدھ کو وزیر اعلیٰ پشکر سنگھ دھامی نے پارٹی ہیڈکوارٹر میں 11 میونسپل کارپوریشنوں کے لیے سنکلپ پترجاری کیا۔

اس موقع پر وزیر اعلیٰ دھامی نے کہا کہ شہری انتخابات کے لیے بی جے پی کا ’سنکلپ پتر‘ترقی کی ضمانت ہے۔ وزیر اعلیٰ دھامی نے پارٹی کے ترقیاتی وزن اور آنے والے پانچ سالوں کے لئے طے شدہ کاموں پر تبادلہ خیال کیا۔ انہوں نے کہا کہ یہ منشور نہ صرف شہری ترقی کے تئیں ٹرپل انجن والی حکومت کی مضبوط وابستگی کی علامت ہے بلکہ آنے والے پانچ سالوں کے لئے بی جے پی کی ٹھوس اور قابل اعتماد ضمانت بھی ہے۔ اس قرارداد نامہ میں شامل اہم اور دوررس موضوعات یقیناً عوام کے معیار زندگی کو بہتر بنانے میں سنگ میل ثابت ہوں گے۔ انہوں نے کہا کہ بی جے پی کی ترجیح صرف اعلانات کرنا نہیں ہے بلکہ ان اعلانات کو حقیقت میں بدلنا ہے۔ میونسپل انتخابات میں بی جے پی کی قیادت میں شہروں کی مجموعی ترقی کو یقینی بنایا جائے گا اور لوگوں کو بہتر سہولیات فراہم کی جائیں گی۔

اس موقع پر کابینی وزیر ستپال مہاراج، پریم چندر انیال، سبودھ انیال، گنیش جوشی، ایم ایل اے سویتا کپور، برج بھوشن گیرولا، سہدیو پنڈیر، آدتیہ کوٹھاری، کنور پرناو¿ چمپئن، میرا، کلدیپ کمار سمیت کئی لوگ موجود تھے۔

ہندوستھان سماچار

ہندوستان سماچار / عطاءاللہ