حیدرآباد ۔15 ، جنوری (ہ س) کاروان اسمبلی حلقہ کے علاقے ڈیفنس کالونی کے نوجوانوں نے محمد افروز کی قیادت میں انچارج کاروان عثمان بن محمد الہاجری سے ملاقات کرتے ہوئے کانگریس پارٹی میں شمولیت اختیار کی۔ عثمان بن محمد الہاجری نے محمد افروز اور ان کے ساتھیوں کا گرمجوشی سے استقبال کرتے ہوئے انہیں کانگریس پارٹی کا کھنڈوا پہنا کر باضابطہ طور پر پارٹی میں شامل کیا۔ اس موقع پر کانگریس پارٹی کی حمایت میں نوجوانوں کے اس قدم کو اہم قرار دیا گیا اور ان کی شمولیت کا خیرمقدم کیا گیا۔کئی سینئر کانگریس لیڈران بھی موجود تھے، جن میں سری پرمانندم، سری سی ایچ شنکر، صدر مہیلا کانگریس کاروان شریمتی شوبھا پانڈے، شریمتی مادھوی، خواجہ سیف الدین نواز، محمد پرویز، اور درگا پرساد شامل ہیں۔نوجوانوں کی اس شمولیت کو کانگریس پارٹی کی مقبولیت میں اضافے کے طور پر دیکھا جا رہا ہے، جو کاروان اسمبلی حلقہ میں پارٹی کے لیے ایک مضبوط بنیاد فراہم کرے گی۔

ہندوستھان سماچار

ہندوستان سماچار / محمدعبدالخالق