نئی دہلی، 7 ستمبر (ہ س)۔

جی ایس ٹی کونسل کی میٹنگ سے دو دن پہلے ہی سی سی ایونیو اور بل ڈیسک جیسی کئی ادائیگی کرنے والی کمپنیوں کو جی ایس ٹی ڈیمانڈ نوٹس جاری کیے گئے ہیں۔ جی ایس ٹی کا یہ ڈیمانڈ نوٹس 2000 روپے سے کم کے ڈیجیٹل لین دین پر تاجروں سے وصول کی جانے والی فیس کی وجہ سے جاری کیا گیا ہے۔ کمپنیوں کا دعویٰ ہے کہ نوٹ بندی کے دوران مرکزی حکومت نے نوٹیفکیشن جاری کیا تھا۔ اس میں کہا گیا تھا کہ خوردہ اور آن لائن تاجروں کو ادائیگیوں میں معاونت کرنے والے ایگریگیٹرز سے 2000 روپے تک کے لین دین پر جی ایس ٹی نہیں لگایا جائے گا۔ بتایا جا رہا ہے کہ پیمنٹ پروسیسر کمپنیوں سے 2017-18 سے ٹیکس کا مطالبہ کیا جا رہا ہے، جب جی ایس ٹی سسٹم نافذ ہوا تھا۔ اس میں تنازعہ صرف نیٹ بینکنگ، ڈیبٹ کارڈ اور کریڈٹ کارڈ کے ذریعے کی جانے والی ادائیگی پر ہے۔ اس میں، یو پی آئی اور RuPay کارڈ کے ذریعے ہونے والے لین دین کو ٹیکس کے بوجھ سے آزاد رکھا گیا ہے۔ یہ خیال کیا جاتا ہے کہ جی ایس ٹی کونسل کی میٹنگ میں، روزر پے اور پائن لیبس جیسے پیمنٹ ایگری گیٹرس کے ذریعہ کئے گئے 2000 روپے سے کم کی لین دین پر تبادلہ خیال کیا جائے گا۔ ڈیجیٹل ادائیگیوں پر جی ایس ٹی لگانے کے معاملے پر بھی بات کی جا سکتی ہے۔ میٹنگ میں یہ بھی واضح کیا جائے گا کہ آیا 2000 روپے سے کم کی ڈیجیٹل ادائیگیوں پر 18 فیصد جی ایس ٹی لگایا جانا چاہیے یا نہیں، ڈیجیٹل ادائیگیوں جیسے کیو آر اسکیننگ، پی او ایس مشینوں اور نیٹ بینکنگ کو ہینڈل کرنے والے 2000 روپے سے کم کے لین دین پر جی ایس ٹی سے مستثنیٰ ہے۔ بتایا جا رہا ہے کہ جی ایس ٹی کونسل ریٹ فِٹمنٹ کمیٹی کی سفارش پر اس سلسلے میں حتمی فیصلہ کرے گی۔

ہندو ستھان سماچار

ہندوستان سماچار / عطاءاللہ