جڈیجہ سنچری کے قریب، جیسوال نے بھی نصف سنچری اننگز کھیلی

چنئی، 19 ستمبر (ہ س)۔

آل راو¿نڈر روی چندرن اشون اور رویندر جڈیجہ کی شاندار بلے بازی کی بدولت ہندوستان نے بنگلہ دیش کے خلاف یہاں کے ایم اے چدمبرم اسٹیڈیم میں کھیلے جا رہے پہلے ٹیسٹ میچ کے پہلے دن کے کھیل کے اختتام پر 6 وکٹوں پر 339 رنز بنا لیے ہیں۔ اشون 102 اور جڈیجہ 86 رن بنا کر ناٹ آو¿ٹ ہیں۔

روی چندرن اشون نے اپنے کیریئر کی چھٹی سنچری اسکور کی، جڈیجہ سنچری کے قریب۔

وہیں ہندوستانی ٹیم 144 رن پر 6 وکٹیں گنوانے کے بعد مشکلات کا شکار تھی، جس کے بعد ایشون اور جڈیجہ نے ذمہ داری سنبھالی اور بنگلہ دیشی گیند بازوں کو خوب آڑے ہاتھوں لیا۔ اس دوران اشون نے 108 گیندوں میں سنچری اسکور کی جو ان کے ٹیسٹ کیریئر کی تیز ترین اور چھٹی سنچری ہے۔ ان کے کیریئر کی چھٹی سنچری بھی ہے۔ اشون 112 گیندوں میں 10 چوکوں اور 2 چھکوں کی مدد سے 102 رن بنا کر ناقابل شکست ہیں۔

دوسری جانب جڈیجہ نے بھی اچھی بلے بازی کی اور اپنی نصف سنچری مکمل کی۔ جڈیجہ 117 گیندوں میں 10 چوکوں اور 2 چھکوں کی مدد سے 86 رن بنا کر ناٹ آو¿ٹ ہیں۔ اب تک دونوں کے درمیان ساتویں وکٹ کے لیے 227 گیندوں پر 195 رنز کی شراکت ہو چکی ہے۔

بنگلہ دیش نے بولنگ کا انتخاب کیا، بھارت کی شروعات خراب رہی

قبل ازیں بنگلہ دیش نے ٹاس جیت کر پہلے گیند کرنے کا فیصلہ ایک ایسی پچ پر کیا جو سبز اور تیز گیند بازوں کے لیے پسندیدہ تھی۔ اس کا فائدہ بنگلہ دیش کو بھی ہوا، جب حسن محمود نے کپتان روہت شرما (06)، شبھمن گل (00) اور وراٹ کوہلی (06) کو صرف 34 رن کے اسکور پر پویلین بھیج کر میزبان ٹیم کو مشکل میں ڈال دیا۔

اس کے بعد کے ایل سے پہلے نمبر 5 پر بلے بازی کے لیے آنے والے پنت نے جیسوال کے ساتھ مل کر ہندوستانی اننگز کی ذمہ داری سنبھالی، تاہم لنچ سے عین قبل شادمان نے ان کا کیچ چھوڑ دیا، ورنہ ہندوستان کی مشکلات میں مزید اضافہ ہوسکتا تھا۔ دوسری طرف جیسوال چوکس رہے اور خراب گیند کو دور رکھا۔

پنت اور جیسوال نے محتاط انداز میں کھیلتے ہوئے چوتھی وکٹ کے لیے 62 رنز کی شراکت بنا کر ہندوستان کی صورتحال پر قابو پانے کی کوشش کی۔ تاہم پنت 96 کے مجموعی اسکور پر حسن محمود کا چوتھا شکار بنے۔ یشسوی جیسوال نے ایک طرف سے محتاط انداز میں کھیلتے ہوئے اپنی نصف سنچری مکمل کی۔ جیسوال اپنی نصف سنچری مکمل کرنے کے بعد 144 کے مجموعی اسکور پر ناہید رانا کا شکار بنے۔ جیسوال نے 56 رنز بنائے۔ اسی اسکور پر کے ایل راہل بھی 16 رن بنا کر حسن معراج کی گیند پر آو¿ٹ ہو گئے۔

یہاں سے اشون اور جڈیجہ نے مزید کوئی نقصان نہیں ہونے دیا اور 195 رنز کی شراکت بنا کر ہندوستان کو اچھی پوزیشن میں پہنچا دیا۔ بنگلہ دیش کی جانب سے حسن محمود نے 4، مہدی حسن معراج اور ناہید رانا نے 1-1 وکٹ حاصل کی۔

ہندوستھان سماچار

ہندوستان سماچار / عطاءاللہ