نئی دہلی، 18 ستمبر (ہ س)۔ سابق مرکزی وزیر مینکا گاندھی نے اترپردیش کی سلطان پور سیٹ سے سماج وادی پارٹی کے رکن پارلیمنٹ رام بھوول نشاد کے انتخاب کو چیلنج کرتے ہوئے سپریم کورٹ میں عرضی داخل کی ہے۔ سپریم کورٹ اس عرضی پر 20 ستمبر کو سماعت کر سکتی ہے۔ درخواست میں مینکا گاندھی نے الزام لگایا ہے کہ رام بھوول نشاد نے نامزدگی داخل کرتے وقت داخل کردہ حلف نامہ میں ان کے خلاف درج 12 مقدمات کے بارے میں معلومات نہیں دی تھیں۔ ایک علیحدہ عرضی دائر کرتے ہوئے مینکا گاندھی نے عوامی نمائندگی ایکٹ کی شق کو بھی چیلنج کیا ہے، جس میں انتخابی عرضی داخل کرنے کی مدت کا بھی ذکر کیا گیا ہے۔
مینکا گاندھی نے رام بھوول نشاد کے انتخاب کو الہ آباد ہائی کورٹ میں چیلنج کیا تھا۔ الہ آباد ہائی کورٹ نے مینکا گاندھی کی درخواست کو مسترد کر دیا، جس کے بعد انہوں نے سپریم کورٹ سے رجوع کیا ہے۔
ہندوستھان سماچار
ہندوستان سماچار / عبدالواحد
