غازی آباد، 12 اگست (ہ س)۔

پولس کمشنر اجے کمار مشرا نے پیر کو اندرا پورم کے انچارج انسپکٹر جتیندر کمار دکشت اور کنوانی چوکی کے انچارج لال چند قنوجیا کو اندرا پورم تھانہ علاقہ میں ہفتہ کی رات ایک بین الاقوامی برانڈ سے تین کروڑ کی گھڑیوں کی چوری کے واقعہ کے سلسلے میں معطل کر دیا۔ مجرموں کو جلد گرفتار کرنے کے مقصد سے تیز پولیس افسران کی دو اور ٹیمیں تشکیل دی گئی ہیں، ڈی سی پی نمیش پاٹل کا کہنا ہے کہ ان دونوں کے خلاف فوری طور پر کارروائی کرنے کے بعد، ٹیموں کو گروہ کی شناخت اور سراغ تلاش کرنے کے لیے تعینات کیا گیا ہے۔ غازی آباد کے اہنسا کھنڈ 2 میں واقع ایک برانڈڈ کمپنی کے سائی کریشن واچ شو روم کا شٹر اکھاڑ کر چوروں نے تقریباً 3 کروڑ روپے کی گھڑیاں چوری کر لیں۔ چوری کی واردات سی سی ٹی وی کیمرے میں قید ہوگئی۔ سی سی ٹی وی میں سات سے آٹھ چور نظر آ رہے تھے۔ شوروم منیجر نے پولیس کو واقعے کی اطلاع دی۔ شو روم کے منیجر نکول شرما نے بتایا کہ وہ رات گئے شوروم بند کرکے چلے گئے تھے۔ صبح جب میں آیا تو دیکھا کہ شوروم کا شٹر اکھڑا ہوا تھا۔ اس نے کیمروں کو چیک کیا تو شوروم کے اندر سارا سامان بکھرا پڑا تھا۔ اس نے مقامی پولیس کو واقعہ کی اطلاع دی۔ اس کے بعد پولیس کے اعلیٰ حکام نے جائے وقوعہ کا باریک بینی سے معائنہ بھی کیا۔

ہندوستھان سماچار

ہندوستان سماچار / عطاءاللہ