بالی ووڈ اداکار سلمان خان 14 اپریل کو گلیکسی اپارٹمنٹ کے باہر فائرنگ کے بعد آج بیرون ملک روانہ ہو گئے ہیں۔ سلمان خان کو ایئرپورٹ پر دیکھا گیا۔ وہ ایک تقریب کے لیے دبئی گئے ہوئے ہیں۔

اتوار کی علی الصبح فائرنگ کے بعد سلمان خان اپنے سیکیورٹی گارڈوں کے ساتھ گھر سے باہر نکلے لیکن کچھ دیر بعد واپس آگئے۔ اس کے بعد آج وہ پہلی بار سفر کر رہے ہیں۔ وہ ایک لگژری پروجیکٹ کا افتتاح کرنے دبئی گئے ہیں۔ اداکار کی کچھ تصاویر اور ویڈیو سوشل میڈیا پر وائرل ہوئی ہیں۔ اداکار ایئرپورٹ پہنچنے سے پہلے ان کا باڈی گارڈ شیرا آتا ہے اور سلمان کا انتظار کرتا ہے، جس کے بعد سلمان آتے ہیں اور کہتے ہیں کہ میں دبئی جا رہا ہوں۔

سلمان خان کے گھر پر فائرنگ کرنے والے ملزم ساگر پال اور وکی گپتا کو پیر کو گجرات کے بھج سے گرفتار کیا گیا تھا۔ عدالت میں پیش کرنے کے بعد دونوں کو پولیس کی تحویل میں بھیج دیا گیا۔ فی الحال پولیس اس معاملے میں ملوث دیگر ملزمان کی تلاش کر رہی ہے۔

ہندوستھان سماچار/ عبد الواحد