بالی ووڈ کے تجربہ کار اداکار عرفان خان کے بیٹے بابل خان اپنی اداکاری کے ساتھ ساتھ اپنی عاجزی اور مددگار طبیعت کے لیے بھی جانے جاتے ہیں۔ اداکار نے پانی کی قلت کا شکار ممبئی کے قریب ایک گاوں کو رقم عطیہ کی ہے۔ بابل نے یوٹیوبر پریم کمار کی 50 ہزار روپے کی مدد کی ہے۔ انہوں نے پریم کمار کو اچھے کام جاری رکھنے کی ترغیب بھی دی۔

بابل نے انسٹاگرام اور یوٹیوب پر 'یونک وائرل ولاگس' کے نام سے مشہور پریم کمار کی 50 ہزار روپے کی مدد کی۔ یہ رقم ممبئی سے 100 کلومیٹر دور پالگھر ضلع کے جوہار میں پانی کی قلت پر دور کرنے کے لیے خرچ کی جائے گی۔ پاپرازی ویرل بھیانی نے بابل خان کی یہ ویڈیو انسٹاگرام پر شیئر کی ہے۔ اس ویڈیو میں بابل فون کے ذریعے رقم منتقل کرتے ہوئے نظر آ رہے ہیں۔ رقم منتقل کرنے کے بعد بابل نے کہا، ”میرا نام لکھنے کی ضرورت نہیں، آپ اچھا کام کر رہے ہیں، جاری رکھیں“۔

اس ویڈیو پر تبصرہ کرتے ہوئے نیٹیزنز بابل کی تعریف کر رہے ہیں۔ اس ویڈیو پر تبصرہ کرتے ہوئے پریم کمار نے بابل کی مدد کے لیے شکریہ ادا کیا ہے۔ تبصرے کے سیکشن میں بابل کا شکریہ ادا کرتے ہوئے، انہوں نے کہا، ”آپ کے 50,000 روپے کی مدد سے ہم ممبئی کے قریب اس گاوں میں پانی کا مسئلہ حل کرنے جا رہے ہیں۔“

ہندوستھان سماچار

Irfan son Babil generosity, donated Rs 50000 to needy