عالمی دباو کی وجہ سے گرا گھریلو شیئر بازار، شروعاتی کاروبار میں ریکوری کا رجحان
نئی دہلی، 19 اپریل (ہ س)۔ عالمی بازار کے کمزور اشاروں کا اثر آج گھریلو شیئر بازار پر بھی پڑا ہے۔ ابھی تک کے کاروبار میں گھریلو شیئر مارکیٹ میں دباو دکھائی دے رہا ہے۔ حالانکہ خریدار خریداری کا زور بنا کر مارکیٹ کو سہارا دینے کی مسلسل کوشش کر رہے ہیں۔ اس کے باوجود سینسیکس اور نفٹی دونوں انڈیکس ابھی تک سرخ نشان میں ہی بنے ہوئے ہیں۔ کاروبار کے پہلے ایک گھنٹے کے بعد سینسیکس 0.48 فیصد اور نفٹی 0.52 فیصد کی کمزوری کے ساتھ کاروبار کر رہے تھے۔
شروعاتی ایک گھنٹے کا کاروبار ہونے کے بعد شیئر مارکیٹ کے بڑے شیئروں میں سے او این جی سی، آئی ٹی سی، اپولو ہاسپیٹل، مہندرا اینڈ مہندرا اور گراسم انڈسٹریز کے شیئر 1.28 فیصد سے لیکر 0.70 فیصد کی مضبوطی کے ساتھ کاروبار کر رہے تھے۔ دوسری طرف بی پی سی ایل، بجاج آٹو، ایکسس بینک، ٹاٹا کنزیومر پروڈکٹس اور انفوسس کے شیئرس 2.99 فیصد سے لیکر 1.56 فیصد کی کمزوری کے ساتھ کاروبار کرتے نظر آرہے تھے۔
ابھی تک کے کاروبار میں شیئر بازار میں 2,080 شیئروں میں ایکٹیو ٹریڈنگ ہورہی تھی۔ ان میں سے 459 شیئرس منافع کماکر سبز نشان میں جبکہ 1,621 شیئرس خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 7 حصص خرید کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباو کے باعث 23 حصص سرخ نشان میں کاروبار کر رہے تھے۔ جبکہ نفٹی میں شامل شیئروں میں سے 11 شیئر سبز نشان میں اور 39 شیئر سرخ نشان میں کاروبار کرتے نظر آرہے تھے۔
بی ایس ای کا سینسیکس آج 489.34 پوائنٹس گر کر 71,999.65 پوائنٹس پر کھلا۔ کاروبار شروع ہوتے ہی فروخت کے دباو کی وجہ سے یہ انڈیکس 71,816.46 پوائنٹس تک گر گیا۔ لیکن اس کے بعد خریداروں نے مارکیٹ میں خریداری شروع کر دی جس کی وجہ سے اس انڈیکس کی پوزیشن میں بہتری آنے لگی۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے سینسیکس 348.34 پوائنٹس کی گراوٹ کے ساتھ 72,140.65 پوائنٹس کی سطح پر کاروبار کر رہا تھا۔
سینسیکس کی طرح این ایس ای کے نفٹی نے آج 134.35 پوائنٹس گر کر 21,861.50 پوائنٹس پر کاروبار کی شروعات کی۔ ابتدائی تجارت میں یہ انڈیکس بھی فروخت کے دباو کی وجہ سے 21,777.65 پوائنٹس تک گر گیا۔ لیکن اس کے بعد خریداری کا سپورٹ ملنے کی وجہ سے اس انڈیکس کی رفتار بھی بہتر ہوتی نظر آئی۔ مارکیٹ میں لگاتار خرید و فروخت کے درمیان ابتدائی 1 گھنٹے کی تجارت کے بعد صبح 10:15 بجے نفٹی 114.40 پوائنٹس کی گراوٹ کے ساتھ 21,881.45 پوائنٹس کی سطح پر کاروبار کر رہا تھا۔
ہندوستھان سماچار
/شہزاد
