نئی دہلی، 02 مئی (ہ س)۔ بین الاقوامی بازار میں خام تیل کی قیمت میں پہلے کے مقابلے میں معمولی کمی ہوئی ہے۔ برینٹ کروڈ کی قیمت 84 ڈالر اور ڈبلیو ٹی آئی کروڈ کی قیمت 80 ڈالر فی بیرل کے قریب آ گئی ہے۔ پبلک سیکٹر آئل اینڈ گیس مارکیٹنگ کمپنیوں نے جمعرات کو پٹرول اور ڈیزل کی قیمتوں میں کوئی تبدیلی نہیں کی ہے۔

انڈین آئل کی ویب سائٹ کے مطابق دہلی میں پٹرول کی قیمت 94.72 روپے جبکہ ڈیزل 87.62 روپے، ممبئی میں پٹرول 104.21 روپے جبکہ ڈیزل 92.15 روپے، کولکاتا میں پٹرول 103.94 روپے جبکہ ڈیزل 90.76 روپے، چنئی میں پٹرول کی قیمت 100.75 روپے جبکہ ڈیزل 92.34 روپے فی لیٹر کی شرح پر دستیاب ہے۔

بین الاقوامی مارکیٹ میں ہفتے کے چوتھے روز برینٹ کروڈ 83.88 ڈالر فی بیرل پر کاروبار کر رہا ہے۔ وہیں ویسٹ ٹیکساس انٹرمیڈیٹ (ڈبلیو ٹی آئی ) کروڈ 79.43 ڈالر فی بیرل پر ٹریڈ کر رہا ہے۔

ہندوستھان سماچار