نئی دہلی، 17 اپریل (ہ س)۔

انتخابی کمیشن نے ماڈل ضابطہ اخلاق کا حوالہ دیتے ہوئے مغربی بنگال کے گورنر کو لوک سبھا انتخابات کے پہلے مرحلے کے موقع پر کوچ بہار کا اپنا مجوزہ دورہ منسوخ کرنے کا مشورہ دیا ہے۔

گورنر سی وی آنند بوس 18-19 اپریل کو کوچ بہار کا دورہ کرنے والے ہیں۔ شمالی بنگال کے کوچ بہار میں پہلے مرحلے میں ووٹنگ ہونی ہے۔ ترنمول کانگریس نے اس سلسلے میں الیکشن کمیشن کو خط لکھا تھا۔ ساتھ ہی 19 اپریل کو ووٹنگ ہونے کی وجہ سے انتخابی مہم دو دن پہلے رک جاتی ہے۔ ایسی صورتحال میں باہر کے سیاسی افراد اور وی آئی پیز کو وہاں نہیں ہونا چاہیے۔

ذرائع کے مطابق اسی بنیاد پر کمیشن نے گورنر کو وہاں نہ جانے کا مشورہ دیا ہے۔

ہندوستھان سماچار