نئی دہلی، 16 اپریل (ہ س) موجودہ شوگر مارکیٹنگ سال 24۔2023 میں 15 اپریل تک ملک میں معمولی کمی کے ساتھ 310.93 لاکھ ٹن چینی کی پیداوار ہوئی ہے۔ پچھلے چینی مارکیٹنگ سال کی اسی مدت کے دوران 312.38 لاکھ ٹن چینی کی پیداوار ہوئی تھی۔

شوگر ملوں کی تنظیم انڈین شوگر ملز ایسوسی ایشن (ایسما) نے منگل کو جاری کردہ ایک بیان میں کہا کہ شوگر مارکیٹنگ سال 24۔2023 میں 15 اپریل تک چینی کی پیداوار 310.93 لاکھ ٹن رہی ہے۔ پچھلے چینی مارکیٹنگ سال میں، اسی تاریخ تک، 312.38 لاکھ ٹن چینی کی پیداوار ہوئی تھی۔ ایسما کے مطابق، اب تک 1.45 لاکھ ٹن کم چینی پیدا کی گئی ہے۔

ایسما کے مطابق، موجودہ چینی مارکیٹنگ سال 24۔2023 میں اب تک اتر پردیش میں 101.45 لاکھ ٹن چینی کی پیداوار ہوئی ہے، جب کہ گزشتہ چینی مارکیٹنگ سال میں اسی مدت تک 96.70 لاکھ ٹن چینی کی پیداوار ہوئی تھی۔ مہاراشٹرا نے اب تک 109.20 لاکھ ٹن چینی کی پیداوار کی ہے، جب کہ پچھلے چینی مارکیٹنگ سال میں اسی مدت کے دوران 105.90 لاکھ ٹن چینی کی پیداوار ہوئی تھی۔

شوگر مارکیٹنگ سال 24۔2023 میں 15 اپریل تک شوگر ملوں کی بندش کی تعداد پچھلے شوگر مارکیٹنگ سال کے مقابلے بہت زیادہ رہی ہے۔ گزشتہ شوگر مارکیٹنگ سال میں 55 ملوں کے مقابلے اس عرصے کے دوران 128 ملوں نے اپنا کام بند کر دیا ہے۔ مجموعی طور پر ملک بھر میں 448 ملوں نے کرشنگ کا کام مکمل کر لیا ہے جبکہ گزشتہ سال اسی عرصے تک 401 ملیں بند ہو چکی تھیں۔ 15 اپریل تک کام کرنے والی شوگر ملوں کی تعداد 84 تھی جب کہ گزشتہ سال اسی تاریخ کو 132 ملیں کام کر رہی تھیں۔ اس طرح آپریشنل ملوں کی تعداد گزشتہ سال کی اسی مدت کے مقابلے میں 48 کم ہے۔

ایسما نے موجودہ چینی مارکیٹنگ سال 24۔2023 کے لیے چینی کی خالص پیداوار کے تخمینہ کو 320 لاکھ ٹن کر دیا ہے۔ حکومت نے چینی کی پیداوار کا تخمینہ 315 لاکھ ٹن سے 320 لاکھ ٹن تک لگایا ہے۔

ہندوستھان سماچار/ عبد الواحد