حکومت نے سری لنکا کو پیاز برآمد کرنے کی اجازت دے دی، متحدہ عرب امارات کو اضافی کوٹہ
نئی دہلی، 16 اپریل (ہ س)۔ مرکزی حکومت نے سری لنکا اور متحدہ عرب امارات کو 20 ہزار میٹرک ٹن پیاز برآمد کرنے کی اجازت دی ہے۔ حکومت کے اس فیصلے کے تحت دونوں ممالک کو 10 ہزار میٹرک ٹن پیاز برآمد کی جائے گی۔
ڈائریکٹوریٹ جنرل آف فارن ٹریڈ (ڈی جی ایف ٹی) نے 15 اپریل کو جاری کردہ ایک نوٹیفکیشن میں متحدہ عرب امارات کو اضافی 10 ہزار میٹرک ٹن (ایم ٹی) پیاز برآمد کرنے کی اجازت دی ہے۔ اس کے ساتھ ہی نیشنل کوآپریٹو ایکسپورٹ لمیٹڈ (این سی ای ایل) کے ذریعے سری لنکا کو 10 ہزار میٹرک ٹن پیاز کی اجازت بھی دی گئی ہے۔ متحدہ عرب امارات کو پیاز کی برآمد کی یہ اجازت پہلے دی گئی 24,400 میٹرک ٹن کے علاوہ ہے۔
قابل ذکر ہے کہ پیاز کی برآمد پر پابندی کے بعد ہندوستانی حکومت نے بنگلہ دیش کو 50 ہزار میٹرک ٹن، متحدہ عرب امارات کو 34 ہزار میٹرک ٹن، سری لنکا کو 10 ہزار میٹرک ٹن، بحرین کو 3 ہزار میٹرک ٹن، ماریشس 1200 میٹرک ٹن پیاز اور بھوٹان کو550 میٹرک ٹن پیاز کی اجازت دی ہے۔
درحقیقت، گھریلو افراط زر کو کنٹرول کرنے کے لیے، مرکزی حکومت نے 7 دسمبر 2023 کو دیررات سے پیاز کی برآمد پر پابندی عائد کی تھی، جسے 23 مارچ کو غیر معینہ مدت کے لیے بڑھا دیا گیا ہے۔
ہندوستھان سماچار
