ممبئی/نئی دہلی، 29 مارچ (ہ س)۔
پبلک سیکٹر انشورنس کمپنی لائف انشورنس کارپوریشن آف انڈیا (ایل آئی سی) کے دفاتر 30 اور 31 مارچ کو کھلے رہیں گے۔
ایل آئی سی نے جمعہ کو جاری کردہ ایک بیان میں کہا کہ وہ اپنے دفاتر 30 اور 31 مارچ کو کھلے رکھے گا تاکہ ٹیکس دہندگان کو موجودہ مالی سال 2023-24 کے اختتام سے قبل ٹیکس بچانے کے عمل کو مکمل کرنے میں سہولت فراہم کی جا سکے۔ انشورنس کمپنی ایل آئی سی کا یہ قدم بینکوں کے اس اعلان کے بعد آیا ہے جس میں بتایا گیا تھا کہ ان کی شاخیں ہفتہ اور اتوار کو کھلی رہیں گی۔
پبلک سیکٹر کی انشورنس کمپنی نے کہا کہ انشورنس ریگولیٹر آئی آر ڈی اے آئی کے مشورے کے مطابق، ایل آئی سی نے اس خصوصی اقدام کو پالیسی ہولڈرز تک بڑھانے کا فیصلہ کیا ہے۔ ایل آئی سی کے مطابق، پالیسی ہولڈرز کو کسی قسم کی مشکلات سے بچنے کے لیے، 'زون' اور ڈویژنوں کے دائرہ اختیار میں دفاتر 30 اور 31 مارچ کو سرکاری کام کے اوقات تک معمول کے کاموں کے لیے کھولے جائیں گے۔
قابل ذکر ہے کہ ریزرو بینک آف انڈیا (آر بی آئی) نے بینکوں کو ہدایت دی ہے کہ وہ 30 مارچ اور 31 مارچ 2024 کو عام کام کے اوقات تک سرکاری لین دین کے لیے اپنی برانچیںکھلی رکھیں۔
ہندوستھان سماچار
