جے پور، 29 دسمبر ( ہ س)۔ راجستھان میں ویسٹرن ڈسٹربنس کا اثر ختم ہونے کے بعد ہفتے کی رات سے سردی کی لہر میں شدت آگئی۔ جے پور، بیکانیر، اجمیر اور جودھ پور ڈویژن کے اضلاع میں درجہ حرارت میں کمی کی وجہ سے سردی میں اضافہ ہوا ہے۔ سائنس سینٹر، جے پور نے نئے سال کی آمد تک ریاست میں شدید سردی اور کم سے کم درجہ حرارت میں کمی کی پیشن گوئی کی ہے۔ اس کے علاوہ، اتوار کو ریاست کے 28 اضلاع میں گھنی دھند کی وارننگ کے ساتھ زرد انتباہ جاری کیا گیا ہے۔ ان 28 اضلاع میں سے 11 اضلاع میں بھی سردی کی لہر کا امکان ظاہر کیا گیا ہے۔

گزشتہ 24 گھنٹوں کے دوران ہنومان گڑھ ریاست کا سب سے سرد مقام رہا۔ یہاں زیادہ سے زیادہ درجہ حرارت صرف 13.1 ڈگری سیلسیس ریکارڈ کیا گیا۔ شدید دھند اور سردی کی لہر کے باعث دن بھر درجہ حرارت اتنا کم رہا۔ سری گنگا نگر میں زیادہ سے زیادہ درجہ حرارت 16.8 ڈگری، سیروہی میں 16.6 ڈگری، کرولی میں 17.1 ڈگری اور جے پور میں 20 ڈگری سیلسیس درج کیا گیا۔ جے پور، سیکر، جھنجھنو، ناگور، ہنومان گڑھ اور الور جیسے اضلاع میں ہفتہ کی شام سے ٹھنڈی ہواو¿ں نے سردی میں اضافہ کیا۔

محکمہ موسمیات نے اتوار کو بھی ان علاقوں میں سردی کی لہر اور گھنی دھند کی وارننگ جاری کی ہے۔ کوٹا اور باراں میں بادلوں کی وجہ سے دن کا درجہ حرارت 10 ڈگری تک گر گیا۔ کوٹا کا زیادہ سے زیادہ درجہ حرارت 18.7 ڈگری اور باراں کا 18.8 ڈگری سیلسیس ریکارڈ کیا گیا۔ محکمہ موسمیات نے یکم جنوری سے موسم صاف ہونے اور دھند اور سردی کی لہر سے نجات کی پیشن گوئی کی ہے۔ تاہم فی الحال سردی سے راحت کی کوئی امید نہیں ہے۔

موسمیاتی مرکز جے پور کے مطابق ہفتہ کو جے پور میں زیادہ سے زیادہ درجہ حرارت 20 ڈگری اور کم سے کم 13.2 ڈگری سیلسیس تھا۔ ہنومان گڑھ میں سب سے کم درجہ حرارت 13.1 ڈگری درج کیا گیا جب کہ کم سے کم درجہ حرارت 11.2 ڈگری رہا۔ الور میں زیادہ سے زیادہ درجہ حرارت 18.2 ڈگری اور کم سے کم 12.5 ڈگری، سیکر میں زیادہ سے زیادہ 17 ڈگری اور کم سے کم 12.2 ڈگری، اور پیلانی (جھنجھنو) میں 17.2 ڈگری زیادہ سے زیادہ اور 12.8 ڈگری کم سے کم تھا۔ کوٹا اور باراں میں بادلوں کی وجہ سے دن کے درجہ حرارت میں نمایاں کمی آئی۔ کوٹا کا زیادہ سے زیادہ درجہ حرارت 18.7 ڈگری اور کم سے کم 17.4 ڈگری تھا، جب کہ باراں کا زیادہ سے زیادہ درجہ حرارت 18.8 ڈگری اور کم سے کم 16.9 ڈگری تھا۔

اسی طرح ڈونگر پور میں زیادہ سے زیادہ درجہ حرارت 24.3 ڈگری اور کم سے کم 15.5 ڈگری، جیسلمیر میں زیادہ سے زیادہ 23.5 ڈگری اور کم سے کم 6.4 ڈگری سیلسیس اور جودھپور میں زیادہ سے زیادہ 22.4 ڈگری اور کم سے کم 9.2 ڈگری سیلسیس رہا۔ چتور گڑھ میں زیادہ سے زیادہ درجہ حرارت 22.9 ڈگری اور کم سے کم 13.5 ڈگری رہا۔ اسی طرح بیکانیر میں زیادہ سے زیادہ 19.6 ڈگری اور کم سے کم 9.4 ڈگری اور سری گنگا نگر میں زیادہ سے زیادہ 16.8 ڈگری اور کم سے کم 10.5 ڈگری ریکارڈ کیا گیا۔ دوسرے شہروں میں فتح پور (سیکر) میں زیادہ سے زیادہ درجہ حرارت 18.6 ڈگری اور کم سے کم 12.7 ڈگری، کرولی میں زیادہ سے زیادہ 17.1 ڈگری اور کم سے کم 14.2 ڈگری سیلسیس درج کیا گیا۔

ہندوستھان سماچار

ہندوستان سماچار / محمد شہزاد