نئی دہلی، 28 دسمبر (ہ س)۔

دہلی بی جے پی کے صدر وریندر سچدیوا نے اروند کیجریوال پر الیکشن جیتنے کے لیے جعلی ووٹ بینک کی سیاست کرنے کا الزام لگایا ہے۔ سچدیوا نے آج یہاں ایک پریس کانفرنس میں ان گھروں کے ہندو مالکان کو سامنے لایا جہاں پر فرضی مسلم ووٹ ڈالے گئے ہیں اور انکشاف کیا کہ جن گھروں میں پانچ ممبران ہیں ان میں 60 فرضی مسلم ووٹ ڈالے گئے ہیں۔

وریندر سچدیوا نے کہا کہ الیکشن جیتنے کے لیے اروند کیجریوال اپنے ایم ایل اے کے ساتھ مل کر پچھلے دس سالوں میں جعلی ووٹروں کا کھیل کھیل رہے ہیں۔ انہوں نے کہا کہ 2014 کے لوک سبھا انتخابات کے بعد سے ہر سال ووٹروں کی تعداد میں اضافہ ہو رہا ہے۔ ایک بار پھر وہی کھیل دہلی میں اروند کیجریوال حکومت کھیل رہی ہے۔ پچھلے کچھ مہینوں میں بھی لاکھوں فارم بھرے گئے لیکن بی جے پی کی چوکسی کی وجہ سے انہیں ووٹروں میں تبدیل نہیں کیا جاسکا اور اب ایک بار پھر آن لائن ووٹر بنانے کے لیے روزانہ ہزاروں درخواستیں موصول ہورہی ہیں اور ہم الیکشن کمیشن سے اس پر روک لگانے کا مطالبہ کرتے ہیں۔ دہلی میں نئے ووٹر بنانے کی درخواستوں کی مکمل جانچ ہونی چاہئے۔

دہلی بی جے پی صدر نے کہا کہ دہلی الیکشن کمیشن نے شاہین باغ پولیس اسٹیشن میں فرضی ووٹنگ کے خلاف ایف آئی آر درج کرائی ہے۔ ایف آئی آر میں نامزد چار ملزمان میں جمیل عالم، کشونک، محمد نعیم اور شبانہ خاتون شامل ہیں۔ انہوں نے کہا کہ دہلی میں فرضی دستاویزات، جعلی آدھار کارڈ اور جعلی ووٹر کارڈ بنانے کا کھیل جاری ہے۔ دہلی بی جے پی صدر نے کہا کہ جن لوگوں کو ووٹرشناختی کارڈ دیئے جا رہے ہیں ان کی عمر 18 سال نہیں ہے بلکہ ان کی عمریں 55 سال، 48 سال سے 80 سال کے درمیان ہیں۔ سچدیوا نے پریس کانفرنس میں ایسے ناموں کی مکمل فہرست دکھائی۔ انہوں نے مختلف حلقوں سے آنے والے لوگوں کے ذریعے ثبوت دیے جن کے گھر کے پتوں پر 50 سے زائد ووٹ ڈالے گئے اور انہیں اس کی اطلاع تک نہیں دی گئی۔ سچدیوا نے کہا کہ اروند کیجریوال جمہوریت کا قتل کر رہے ہیں، کیونکہ جعلی ووٹ بنانا اور ان ووٹروں کی پرورش کرنا اروند کیجریوال کی کہانی ہے۔ انہوں نے کہا کہ دہلی بی جے پی الیکشن کمیشن سے شکایت کرکے اس مسئلہ کو اٹھائے گی۔بی جے پی لیڈر اور ایڈوکیٹ سنکیت گپتا، جو الیکشن کمیٹی میں قانونی کام دیکھ رہے ہیں، بھی پریس کانفرنس میں موجود تھے۔

ہندوستھان سماچار

ہندوستان سماچار / Mohammad Khan