نئی دہلی، 22 دسمبر (ہ س)۔
کویت کے دورے کے دوسرے دن وزیر اعظم نریندر مودی اتوار کو کویت کے امیر سے ملاقات کریں گے۔ وہ آج کویت کے وزیراعظم سے بھی ملاقات کریں گے۔ ایم او یو پر دستخط کرنے اور پریس بریفنگ کے بعد وہ دوپہر 3.30 بجے دہلی کے لیے روانہ ہوں گے۔ اس دوران وزیر اعظم مودی نے پہلے دن کے طے شدہ پروگراموں میں حصہ لیا اور اپنی تصاویر سوشل سائٹس پر شیئر کیں۔ انہوں نے پہلے دن ’’ہالا مودی‘‘ پروگرام میں ہندوستانی تارکین وطن سے خطاب کیا۔
43 سالوں میں کسی ہندوستانی وزیر اعظم کا کویت کا یہ پہلا دورہ ہے۔ مودی کویت کے امیر شیخ مشعل الاحمد الجابر الصباح کی دعوت پر یہاں پہنچے ہیں۔ انہوں نے کویت کے امیر شیخ مشعل الاحمد الجابر الصباح کی دعوت پر شکریہ ادا کیا۔
وزیر اعظم مودی نے کویت کے شیخ سعد ال عبداللہ اسپورٹس کمپلیکس میں منعقدہ ’’ہالا مودی‘‘ پروگرام میں ہندوستانی تارکین وطن سے خطاب کرتے ہوئے کہا کہ ہندوستان اور کویت کے درمیان تعلقات تہذیبوں میں سے ایک ہے۔ ہندوستان اور کویت بحیرہ عرب کے دو کناروں پر واقع ہیں۔ ہم نہ صرف سفارت کاری سے بلکہ دلوں سے بھی متحد ہوئے ہیں۔ نہ صرف ہمارا حال بلکہ ہمارا ماضی بھی ہمیں جوڑتا ہے کویت کے دورے کے دوران انہوں نے عربین گلف کپ کی افتتاحی تقریب میں بھی شرکت کی۔ وزیر اعظم نے ٹویٹر پر پوسٹ کرتے ہوئے اس بارے میں معلومات دی- ’’میں نے عربین گلف کپ کی افتتاحی تقریب میں شرکت کی۔ اس عظیم الشان کھیل کا پروگرام خطے میں فٹ بال کے جذبے کا جشن مناتا ہے۔‘‘
وزارت خارجہ کے ترجمان رندھیر جیسوال نے بھی ٹویٹر پر اس سے متعلق معلومات شیئر کیں اور کہا، ’’عربین گلف کپ فٹ بال ٹورنامنٹ کا کویت میں شاندار آغاز ہوا۔ وزیر اعظم نریندر مودی نے کویت کے امیر، ولی عہد اور وزیر اعظم کے ساتھ گیسٹ آف آنر کے طور پر افتتاحی تقریب میں شرکت کی۔ یہ کپ ہندوستان اور کویت کے درمیان کھیل اور دیرینہ دوستی کا جشن منانے کا ایک موقع ہے۔
ہندوستھان سماچار
ہندوستان سماچار / انظر حسن
