نئی دہلی ، 22 دسمبر (ہ س)۔ وزیر اعظم نریندر مودی پیر کو نئی دہلی میں سی بی سی آئی سینٹر کے احاطے میں کیتھولک بشپس کانفرنس آف انڈیا (سی بی سی آئی) کی کرسمس کی تقریبات میں شرکت کریں گے۔ یہ پروگرام شام 6:30 بجے سے ہوگا۔وزیر اعظم مودی عیسائی برادری کے اہم قائدین بشمول کارڈینلز ، بشپس اور چرچ کے ممتاز قائدین سے بات چیت کریں گے۔ یہ پہلا موقع ہے جب کوئی وزیر اعظم ہندوستان میں کیتھولک چرچ کے ہیڈکوارٹر میں اس طرح کی تقریب میں شرکت کرے گا۔کیتھولک بشپس کانفرنس آف انڈیا (سی بی سی آئی) 1944 میں قائم ہوئی تھی۔ یہ ادارہ پورے ہندوستان میں تمام کیتھولک کے ساتھ مل کر کام کرتا ہے۔

ہندوستھان سماچار

ہندوستان سماچار / Mohammad Khan