نئی دہلی ، 25 مئی (ہ س)۔

مئی مہینے کی ایکسپائری دن مقامی شیئر بازار میں شارٹ کورنگ دیکھی گئی۔ دوپہر 2 بجے تک فروخت کے دباو¿ کا سامنا کرنے کے بعد گھریلو ایکویٹی مارکیٹ نچلی سطح سے بحال ہوئی اور خریداری کی حمایت کے ساتھ بند ہوئی۔ پورے دن کی خرید و فروخت کے بعد سینسیکس 0.16 فیصد اور نفٹی 0.20 فیصد اوپر بند ہوا۔

آج دن کے کاروبار کے دوران، رئیلٹی ، انفراسٹرکچر ، ایف ایم سی جی اور ٹیلی کام سیکٹرز کے حصص میں خرید و فروخت ہوئی۔ اسی طرح آٹوموبائل اور آئی ٹی انڈیکس بھی معمولی اضافے کے ساتھ بند ہوئے۔ دوسری جانب توانائی اور بینکنگ سیکٹر میں دباو¿ برقرار رہا۔ آج کے کاروبار میں، درمیانے اور چھوٹے اسٹاک میں بھی خریدار جاری رہی ، جس کی وجہ سے بی ایس ای مڈ کیپ اور سمال کیپ انڈیکس تیزی کے ساتھ بند ہونے میں کامیاب رہے۔

آج بازار میں تیزی کی وجہ سے اسٹاک مارکیٹ کے سرمایہ کاروں کی دولت میں 1.05 لاکھ کروڑ روپے سے زیادہ کا اضافہ ہوا۔ آج کی تجارت کے بعد بی ایس ای پر درج کمپنیوں کی مارکیٹ کیپٹلائزیشن بڑھ کر 280.53 لاکھ کروڑ (عارضی) ہو گئی۔ ان کی مارکیٹ کیپٹلائزیشن آخری تجارتی دن یعنی بدھ کو 279.48 لاکھ کروڑ روپے تھی۔ اس طرح سرمایہ کاروں کو آج کے کاروبار سے تقریباً 1.05 لاکھ کروڑ روپے کا فائدہ ہوا۔

ہندوستھان سماچارمحمدخان