نئی دہلی، 26 اپریل (ہ س)۔

غیر ملکی زرمبادلہ کے ذخائر میں مسلسل دوسرے ہفتے کمی ہوئی ہے۔ ملک کے زرمبادلہ کے ذخائر 19 اپریل کو ختم ہونے والے ہفتے میں 2.28 بلین ڈالر کم ہو کر 640.33 بلین ڈالر رہ گئے۔

ریزرو بینک آف انڈیا (آر بی آئی) نے جمعہ کو جاری کردہ اعداد و شمار میں کہا کہ 19 اپریل کو ختم ہونے والے ہفتے میں ملک کے غیر ملکی زرمبادلہ کے ذخائر 2.28 بلین ڈالر کم ہو کر 640.33 بلین ڈالر رہ گئے۔ گزشتہ ہفتے کئی ہفتوں تک اضافے کے بعد ملکی زرمبادلہ کے ذخائر 5.40 ارب ڈالر کم ہو کر 643.16 ارب ڈالر رہ گئے تھے۔ اس عرصے کے دوران، غیر ملکی کرنسی کے اثاثے، جو کرنسی کے ذخائر کا ایک اہم جز سمجھے جاتے ہیں، 3.79 بلین ڈالر کم ہو کر 560.86 بلین ڈالر رہ گئے ہیں۔

اعداد و شمار کے مطابق اس عرصے کے دوران سونے کے ذخائر کی ریزرو ویلیو 1.01 بلین ڈالر بڑھ کر 56.81 بلین ڈالر تک پہنچ گئی۔ تاہم، خصوصی ڈرائنگ رائٹس (ایس ڈی آر) 43 ملین کی کمی سے 18.03 بلین رہ گیا۔ اس کے علاوہ بین الاقوامی مالیاتی فنڈ (آئی ایم ایف) کے پاس ہندوستان کے ذخائر بھی 2 ملین ڈالر کم ہو کر 4.63 بلین ڈالر رہ گئے ہیں۔

ملک کے زرمبادلہ کے ذخائر 5 اپریل 2024 کو ختم ہونے والے ہفتے میں 648.56 بلین ڈالر کی نئی بلند ترین سطح پر پہنچ گئے تھے۔

ہندوستھان سماچار