واشنگٹن، 24 جنوری (ہ س)۔ امریکہ کے تین شہروں میں فائرنگ کے واقعات میں دو طالب علموں سمیت گیارہ افراد جان کی بازی ہار گئے۔ تازہ ترین بندوق کے تشدد سے پورا ملک ہل گیا ہے۔ دو روز قبل لاس اینجلس میں فائرنگ سے 10 افراد ہلاک ہو گئے تھے۔ امریکہ میں 'گن کلچر' کا بہت زیادہ جنون ہے۔ تقریباً 330 ملین کی آبادی والے امریکہ میں عام شہریوں کے پاس 390 ملین ہتھیار ہیں۔

شمالی کیلیفورنیا میں فائرنگ کے دو واقعات میں سات افراد ہلاک ہو گئے۔ ایک شخص زخمی ہواہے۔ یہاں ہاف مون بے کے علاقے میں ہونے والی فائرنگ میں ایک مشتبہ شخص کو حراست میں لے لیا گیا ہے۔

اس کے علاوہ ڈیس موئنز، آئیووا کے ایک اسکول میں فائرنگ سے دو طالب علم ہلاک ہو گئے۔ اس فائرنگ میں ایک ٹیچر زخمی ہوا ہے۔ پولیس نے کئی مشتبہ افراد کو حراست میں لے لیا ہے۔ ایک افسر کا کہنا ہے کہ یہ ٹارگٹ کلنگ ہے۔ شکاگو کے ایک اپارٹمنٹ میں فائرنگ کا ایک اور واقعہ پیش آیا۔ یہاں دو افراد جان کی بازی ہار گئے جبکہ 3 افراد شدید زخمی ہوئے۔

ہندوستھان سماچار