نئی دہلی، 4 ستمبر (ہ س)۔ عالمی مارکیٹ سے ملنے والے مثبت اشاروں کے باعث گھریلو شیئر بازار میں آج ابتدائی کاروبار کے دوران تیزی کا رجحان برقرار ہے۔ کاروبار کا آغاز بھی مضبوطی کے ساتھ ہوا۔ تاہم بازار کھلنے کے کچھ دیر بعد منافع وصولی کے باعث سینسیکس اور نفٹی دونوں میں معمولی گراوٹ دیکھی گئی، لیکن پہلے 20 منٹ کے کاروبار کے بعد خریدار دوبارہ سرگرم ہو گئے اور زبردست خریداری شروع کر دی۔ خریداری کے دباؤ سے دونوں اہم اشاریوں نے دوبارہ رفتار پکڑ لی۔مسلسل خرید و فروخت کے درمیان ابتدائی ایک گھنٹے کا کاروبار مکمل ہونے کے بعد صبح 10:15 بجے سینسیکس 0.65 فیصد اور نفٹی 0.27 فیصد کی مضبوطی کے ساتھ کاروبار کر رہے تھے۔

بی ایس ای کا سینسیکس آج 504.16 پوائنٹس یعنی 0.66 فیصد کی تیزی کے ساتھ 76,657.02 پوائنٹس کی سطح پر کھلا۔ کاروبار شروع ہونے کے کچھ ہی دیر بعد منافع وصولی شروع ہونے سے پہلے 20 منٹ میں سینسیکس اوپننگ لیول سے 125 پوائنٹس پھسل کر 76,529.50 پوائنٹس تک پہنچ گیا۔اس کے بعد خریداروں نے دوبارہ محاذ سنبھالا اور بڑے پیمانے پر خریداری شروع کر دی، جس سے سینسیکس میں ایک بار پھر تیزی آ گئی۔ مسلسل خرید و فروخت کے درمیان صبح 10:15 بجے سینسیکس 491.93 پوائنٹس یعنی 0.65 فیصد کے اضافے کے ساتھ 76,644.79 پوائنٹس کی سطح پر کاروبار کر رہا تھا۔

سینسیکس کی طرح نیشنل اسٹاک ایکسچینج (این ایس ای) کے نفٹی نے بھی آج مثبت آغاز کیا۔ نفٹی 37.45 پوائنٹس یعنی 0.16 فیصد کی تیزی کے ساتھ 23,910.90 پوائنٹس کی سطح پر کھلا۔بازار کھلنے کے کچھ دیر بعد فروخت کا دباؤ بڑھنے سے نفٹی میں معمولی گراوٹ آئی، تاہم کچھ ہی دیر بعد خریدار دوبارہ سرگرم ہو گئے۔ مسلسل خریداری کے باعث نفٹی بڑھ کر 23,962.55 پوائنٹس کی سطح تک پہنچ گیا۔ بعد میں اس میں معمولی کمی دیکھی گئی۔ابتدائی ایک گھنٹے کا کاروبار مکمل ہونے کے بعد صبح 10:15 بجے نفٹی 65.20 پوائنٹس یعنی 0.27 فیصد کی مضبوطی کے ساتھ 23,938.65 پوائنٹس کی سطح پر کاروبار کر رہا تھا۔

اب تک کے کاروبار میں شیئر مارکیٹ کے 2,882 شیئرز میں فعال ٹریڈنگ ہو رہی تھی۔ ان میں سے 1,864 شیئرز منافع کے ساتھ سبز نشان میں جبکہ 1,018 شیئرز خسارے کے ساتھ سرخ نشان میں کاروبار کر رہے تھے۔سینسیکس میں شامل 30 کمپنیوں کے شیئرز میں سے 27 سبز نشان میں جبکہ صرف 3 شیئرز سرخ نشان میں تھے۔ اسی طرح نفٹی کے 50 شیئرز میں سے 31 میں تیزی اور 19 میں گراوٹ دیکھی جا رہی تھی۔ابتدائی ایک گھنٹے کے کاروبار کے بعد بڑی کمپنیوں میں ایچ ڈی ایف سی لائف، ٹرینٹ لمیٹڈ، ریلائنس انڈسٹریز، وپرو اور ایس بی آئی لائف انشورنس کے شیئرز 2.43 فیصد سے 1.26 فیصد تک کی مضبوطی کے ساتھ کاروبار کر رہے تھے۔

دوسری جانب کول انڈیا، ایشَر موٹرز، ماروتی سوزوکی، سِپلا اور ایچ سی ایل ٹیکنالوجی کے شیئرز 1.24 فیصد سے 0.36 فیصد تک کی گراوٹ کے ساتھ کاروبار کرتے نظر آئے۔اس سے قبل گزشتہ کاروباری روز، جمعرات کو سینسیکس 417.49 پوائنٹس یعنی 0.55 فیصد کی کمی کے ساتھ 76,152.86 پوائنٹس پر بند ہوا تھا۔اسی طرح نفٹی نے بھی 41 پوائنٹس یعنی 0.17 فیصد کی گراوٹ کے ساتھ 23,873.45 پوائنٹس پر گزشتہ کاروباری دن کا اختتام کیا تھا۔

ہندوستھان سماچار

ہندوستان سماچار / Mohammad Khan