نئی دہلی، 4 ستمبر (ہ س)۔

عالمی مارکیٹ سے آج مثبت اشارے مل رہے ہیں۔ گزشتہ سیشن میں امریکی شیئر مارکیٹ کے اہم اشاریے مضبوطی کے ساتھ بند ہوئے، جبکہ یورپی بازاروں میں بھی خریداری کا رجحان برقرار رہا۔ اسی طرح ایشیائی مارکیٹوں میں بھی آج مجموعی طور پر تیزی دیکھی جا رہی ہے۔

امریکہ میں شرح سود میں اضافے کے امکانات کم ہونے کے اشاروں کے باعث گزشتہ سیشن میں وال اسٹریٹ کے اہم اشاریوں میں زبردست تیزی رہی۔ ڈاؤ جونز انڈسٹریل ایوریج میں 1.18 فیصد کا اضافہ ہوا۔ ایس اینڈ پی 500 انڈیکس 81.11 پوائنٹس یعنی 1.06 فیصد بڑھ کر 7,747.71 پوائنٹس پر بند ہوا۔ اسی طرح نیسڈیک 366.23 پوائنٹس یعنی 1.40 فیصد کی چھلانگ لگا کر 26,584.06 پوائنٹس کی سطح پر پہنچ گیا۔تاہم آج ڈاؤ جونز فیوچرز میں معمولی کمزوری نظر آ رہی ہے اور یہ 0.05 فیصد کی کمی کے ساتھ 53,657.77 پوائنٹس کی سطح پر کاروبار کرتا دکھائی دے رہا ہے۔

یورپی بازاروں میں بھی خریداری

یورپی شیئربازاروں میں بھی گزشتہ سیشن کے دوران خریداری کا زور رہا۔ ایف ٹی ایس ای انڈیکس 75.07 پوائنٹس یعنی 0.69 فیصد بڑھ کر 10,831.52 پوائنٹس پر بند ہوا۔اسی طرح سی اے سی انڈیکس میں 0.07 فیصد کا اضافہ ہوا اور یہ 8,286.40 پوائنٹس کی سطح پر بند ہوا، جبکہ ڈیکس انڈیکس 163.99 پوائنٹس یعنی 0.63 فیصد کی تیزی کے ساتھ 26,003.32 پوائنٹس پر پہنچ گیا۔

ایشیائی مارکیٹوں میں بھی آج مجموعی طور پر خریداری کا رجحان برقرار ہے۔ ایشیا کے نو اہم بازاروں میں سے آٹھ کے اشاریے سبز نشان میں کاروبار کر رہے ہیں، جبکہ صرف ایک انڈیکس میں معمولی گراوٹ دیکھی جا رہی ہے۔جکارتہ کمپوزٹ انڈیکس 0.04 فیصد کی معمولی کمی کے ساتھ 6,665.11 پوائنٹس پر ہے۔

دوسری جانب گفٹ نفٹی 72 پوائنٹس یعنی 0.30 فیصد کی تیزی کے ساتھ 24,004.50 پوائنٹس کی سطح پر پہنچ گیا ہے۔ شنگھائی کمپوزٹ انڈیکس بھی 0.35 فیصد بڑھ کر 3,955.85 پوائنٹس پر پہنچ گیا۔

ہانگ کانگ کے ہینگ سینگ انڈیکس میں بھی زبردست تیزی دیکھی جا رہی ہے۔ یہ 524.69 پوائنٹس یعنی 2.04 فیصد کے اضافے کے ساتھ 25,738 پوائنٹس کی سطح پر کاروبار کر رہا ہے۔کوسپی انڈیکس بھی 101.88 پوائنٹس یعنی 1.55 فیصد کی مضبوطی کے ساتھ 6,681.36 پوائنٹس پر پہنچ گیا ہے۔ اسی طرح اسٹریٹس ٹائمز انڈیکس 64.04 پوائنٹس یعنی 1.11 فیصد بڑھ کر 5,811.75 پوائنٹس کی سطح پر ہے۔

اس کے علاوہ نکئی انڈیکس 704.52 پوائنٹس یعنی 1.10 فیصد کی تیزی کے ساتھ 64,919 پوائنٹس، تائیوان ویٹڈ انڈیکس 349.26 پوائنٹس یعنی 0.76 فیصد بڑھ کر 46,206.92 پوائنٹس، جبکہ سیٹ کمپوزٹ انڈیکس 0.25 فیصد کی مضبوطی کے ساتھ 1,580.79 پوائنٹس کی سطح پر کاروبار کر رہا ہے۔مجموعی طور پر عالمی اور ایشیائی بازاروں کے مثبت رجحان سے ہندوستانی اسٹاک مارکیٹ کے لیے بھی آج مضبوط آغاز کے امکانات ظاہر ہو رہے ہیں۔

ہندوستھان سماچار

ہندوستان سماچار / Mohammad Khan