کاٹھمنڈو، 13 ستمبر (ہ س): ۔

نیپال میں آنے والے تباہ کن سیلاب سے بے گھر ہونے والے لوگوں کو حکومت مالی امداد فراہم کرنے جا رہی ہے۔ اتوار کو ہونے والے کابینہ کے اجلاس میں بھوٹے کوسی سیلاب سے متاثرہ خاندانوں کو مستقل مکانات کی تعمیر مکمل ہونے تک مکان کے کرائے اور دیگر ضروری اخراجات پورے کرنے کے لیے مالی مدد دینے کا فیصلہ کیا گیا۔

مواصلات کے وزیر وکرم تِمیلسینا نے بتایا کہ چار افراد تک کے خاندان کو ہر ماہ 15 ہزار روپے دیے جائیں گے۔ اس کے علاوہ خاندان کے ہر اضافی فرد کے لیے 2 ہزار روپے مزید فراہم کرنے کا فیصلہ کیا گیا ہے۔

اگر کوئی خاندان یہ مالی امداد نہیں لینا چاہتا تو حکومت اسے مستقل مکان کی تعمیر مکمل ہونے تک عارضی رہائش فراہم کرنے کا متبادل بھی دے گی۔

وزیر تِمیلسینا نے سوشل میڈیا کے ذریعے بتایا کہ اس سلسلے میں ضروری معلومات جمع کرنے کے لیے تمام متعلقہ مقامی اداروں کو فارم بھیجے جا چکے ہیں۔ انہوں نے کہا کہ حکومت سیلاب سے ہونے والے ابتدائی نقصانات کا جائزہ مکمل کر چکی ہے، جبکہ تفصیلی ضروریات کا جائزہ ابھی جاری ہے۔

انہوں نے کہا کہ اس جائزے کی بنیاد پر ضروری وسائل کا انتظام کیا جائے گا اور تعمیرِ نو و بحالی کے کام کو تیزی سے آگے بڑھایا جائے گا۔

ہندوستھان سماچار

ہندوستان سماچار / عطاءاللہ