نئی دہلی، 9 اگست (ہ س)۔ لوک سبھا میں قائد حزب اختلاف راہل گاندھی نے کہا کہ پریاگ راج میں ایک طالب علم نے انہیں بتایا کہ اب ان کے پاس کوئی چارہ نہیں ہے۔ برسوں کی تیاری کے باوجود نوکری نہ ملنا، خاندان کی زمین فروخت ہوجانا اور والدین کے مقروض ہوجانے کے باوجود روزگار نہ ملنا طالب علم کی ناکامی نہیں بلکہ ایک ایسے نظام کی ناکامی ہے جو نوجوانوں کی محنت کی قیمت ادا کرنے میں ناکام ہے۔

راہل گاندھی نے اتوار کو سوشل میڈیا پلیٹ فارم ایکس پر کہا کہ پریاگ راج میں ایک طالب علم نے انہیں بتایا کہ اس نے برسوں سے تیاری کی تھی، خاندان کی زمین بیچ دی تھی اور اس کے والدین قرض میں ڈوب گئے تھے لیکن پھر بھی ہاتھ میں کچھ نہیں تھا۔ یہ ناکامی طالب علم کی نہیں بلکہ اس نظام کی ہے جس نے اس کی محنت کی قیمت ادا کرنے سے انکار کر دیا۔

انہوں نے مرکزی حکومت اور مرکزی وزیر داخلہ امت شاہ پر طلباءکے معاملے پر خاموش رہنے کا الزام لگایا۔ راہل گاندھی نے کہا کہ طلبا کے خلاف کریک ڈاو¿ن کے واقعے کو 13 دن گزر چکے ہیں لیکن ابھی تک وزیر داخلہ کی طرف سے کوئی بیان نہیں آیا ہے۔ معافی مانگنے کے بجائے معافی تقسیم کی جا رہی ہے۔

راہل گاندھی نے کہا کہ حکومت کو یہ نہیں سمجھنا چاہیے کہ اپوزیشن جوابدہی کا مطالبہ کرنا بند کر دے گی۔ دارالحکومت کی سڑکوں پر طلباءپر لاٹھیاں اور چھرے استعمال کیے گئے لیکن وزیر داخلہ نے کوئی رد عمل ظاہر نہیں کیا۔ انہوں نے کہا کہ حکومت کو اس واقعے کی ذمہ داری قبول کرنی چاہیے۔

ہندوستھان سماچار

---------------

ہندوستان سماچار / عبدالسلام صدیقی