بھوپال، 09 اگست (ہ س)۔ مرکزی شہری ہوا بازی کے وزیر کنجاراپو رام موہن نائیڈو اتوار کو مدھیہ پردیش کے ایک روزہ دورے پر بھوپال پہنچے۔ انہوں نے یہاں وزیر اعلیٰ کی رہائش گاہ پہنچ کر سمتو بھون میں وزیر اعلیٰ ڈاکٹر موہن یادو سے خیرسگالی ملاقات کی۔

اس موقع پر چیف سکریٹری اشوک برنوال، مرکزی شہری ہوا بازی کی وزارت کے سکریٹری سمیر کمار سنہا، مرکزی شہری ہوا بازی کی وزارت میں ممبر پلاننگ انیل گپتا اور مدھیہ پردیش محکمہ ہوا بازی کے ایڈیشنل چیف سکریٹری سنجے شکلا بھی موجود تھے۔

وزیر اعلیٰ ڈاکٹر یادو نے مرکزی وزیر نائیڈو کی سی ایم ہاوس آمد پر ان کا پرتپاک استقبال کیا اور انہیں یادگاری نشان پیش کرکے اعزاز سے نوازا۔ وزیر اعلیٰ نے مرکزی وزیر نائیڈو کو بھوپال تالاب کی تعمیر کی تاریخ کے بارے میں معلومات دیتے ہوئے بتایا کہ یہ تالاب قدرتی چٹانوں کو کاٹ کر بنایا گیا ہے۔

مرکزی وزیر نائیڈو آج مدھیہ پردیش کو 4 نئی براہ راست فضائی پروازوں کا تحفہ دینے کے لیے بھوپال پہنچے ہیں۔ وہ یہاں راجا بھوپال ہوائی اڈے پر منعقد ہونے والے پروگرام میں وزیر اعلیٰ ڈاکٹر موہن یادو کے ساتھ ریاست کی 4 نئی براہ راست فضائی خدمات کا افتتاح کریں گے۔ ان میں بھوپال-ریوا، بھوپال-پٹنہ، ریوا-کولکاتا اور جبلپور-کولکاتا روٹ شامل ہیں۔ پروگرام میں وہ بھوپال سے ریوا جانے والی پہلی پرواز کو ہری جھنڈی دکھا کر روانہ کریں گے۔

ہندوستھان سماچار

---------------

ہندوستان سماچار / انظر حسن