پوڑی گڑھوال، 7 اگست (ہ س)۔ پوڑی-دیو پریاگ روڈ پر کنڈادھار کے قریب جمعہ کو ایک المناک سڑک حادثہ میں ایک ہی خاندان کے چھ افراد کی موت ہو گئی۔ ایک تیز رفتار بولیرو بے قابو ہو کر 250 میٹر گہری کھائی میں جا گری۔ حادثے میں سات میں سے چھ افراد موقع پر ہی دم توڑ گئے، جب کہ ایک شدید زخمی ہوگیا۔

اطلاع ملتے ہی دیو پریاگ پولیس اسٹیشن اور ایس ڈی آر ایف کی ٹیم موقع پر پہنچ گئی اور کھائی میں اتر کر راحت اور بچاو¿ کام شروع کیا۔ ایس ایس پی سرویش پنوار نے بتایا کہ جمعہ کی صبح تقریباً 11:30 بجے دیو پریاگ پولیس اسٹیشن کو پوڑی-دیو پریاگ سڑک پر کنڈادھar کے قریب ایک گاڑی کے کھائی میں گرنے کی اطلاع ملی۔ اطلاع ملتے ہی پولیس اور ایس ڈی آر ایف کی ٹیم موقع پر پہنچ گئی۔ تحقیقات سے پتہ چلا کہ ایک بولیرو بے قابو ہو کر سڑک سے تقریباً 250 میٹر گہری کھائی میں جا گری۔

اس حادثے میں افضل ولد اکبر صوفی (49)، افضل کی بیوی شبو(40)، افضل کی بیٹی عناویہ (3)، امان ولد افضل (5) اور غفران ولد اکبر (34) سبھی ساکن رائے پور جیت پور، کوتوالی تھانہ، لکسر، ہریدوار ضلع کی موت ہوگئی۔

حادثے میں زخمی ارحم ولد افضل ساکن رائے پور جیت پور، کوتوالی تھانہ لکسر، ہریدوار کو پولیس اور ایس ڈی آر ایف نے کھائی سے بحفاظت نکال لیا۔ ابتدائی طبی امداد کے بعد اسے علاج کے لیے بیس اسپتال سری نگر بھیج دیا گیا۔

ہندوستھان سماچار

ہندوستان سماچار / محمد شہزاد