کاٹھمانڈو، 27 اگست (ہ س)۔ نیپال میں رسوا کی بھوٹے کوشی ندی میں بدھ کو آنے والے تباہ کن سیلاب کے بعد تلاش اور بچاو مہم جنگی بنیادوں پر جاری ہے۔ نیپالی فوج نے آج صبح ہیلی کاپٹر کے ذریعے 123 افراد کو بحفاظت نکال لیا۔ ان میں 21 ہندوستانی سیاح بھی شامل ہیں۔

نیپالی فوج کے مطابق، تیمورے علاقے سے 95 افراد، ہاکو میں واقع ایک پن بجلی پروجیکٹ کی سرنگ میں پھنسے 7 افراد اور لاپتہ 21 ہندوستانی سیاحوں کو زندہ و محفوظ باہر نکالا گیا ہے۔

فوج نے بتایا کہ متاثرہ علاقے کی دیگر سرنگوں میں پھنسے لوگوں کی تلاش کی جا رہی ہے۔ سیلاب سے متاثرہ علاقوں میں امدادی اور بچاو کاموں کو ترجیحی بنیادوں پر آگے بڑھایا جا رہا ہے۔

ہندوستھان سماچار

---------------

ہندوستان سماچار / انظر حسن