امپھال، 26 اگست (ہ س)۔ منی پور میں سیکورٹی فورسز نے 25 اگست کو علیحدہ علیحدہ مقامات پر مہم چلا کر یونائیٹڈ پیپلز پارٹی آف کانگلی پاک (یو پی پی کے) کے چھ کیڈروں کو گرفتار کیا۔ گرفتار شدگان کے قبضے سے تنظیم سے متعلق دستاویزات، مواصلاتی آلات اور گاڑیاں برآمد کی گئیں۔
اسپیشل سی ڈی او کی ٹیم نے منی پور کے مختلف علاقوں سے ایلنگ بام ربی کمار سنگھ (24)، وائیکھوم ارون سنگھ (20)، اہونگ شانگ بام اویناش سنگھ عرف اینڈی (26)، ایک نابالغ، ایلنگ بام الیگزینڈر سنگھ (21) اور پھورت شابام کوئرینگ سنگھ (51) کو گرفتار کیا۔
ان کے قبضے سے یو پی پی کے کے 23 لیٹر ہیڈ، ایک باوفینگ ہینڈ ہیلڈ وائرلیس سیٹ، ایک سلور رنگ کی کار (ایم این 01 سی ایس-2622) اور ایک پلیژر دو پہیہ گاڑی (ایم این 06 ایس ای-7395) برآمد کی گئی۔ حکام کے مطابق گرفتار ملزمان نے اغوا، جبراً وصولی اور دھمکیاں دینے جیسی سرگرمیوں میں ملوث ہونے کا اعتراف کیا ہے۔
اسی دن سیناپتی ضلع کے تافو کوکی اور تافو لیانگ مئی میں منی پور پولیس، سی آر پی ایف کی کوبرا بٹالین اور مہیلا بٹالین کی مشترکہ ٹیم نے گھیرا بندی اور تلاشی مہم چلائی۔ مہم کے دوران دو ایس بی بی ایل بندوقیں، 12 بور کے 78 زندہ کارتوس، 11 خالی 12 بور کے کھوکھے، اے کے-47 اور 0.22 کیلیبر کے خالی کھوکھے، ایک 12 بور کارتوس بیلٹ، ایک چارجر سیٹ، پانچ گاڑیوں کی نمبر پلیٹس اور ایک خالی اسٹیل ملٹری یوٹیلیٹی گولہ بارود کنٹینر برآمد کیا گیا۔
سیکورٹی فورسز نے مہم کے دوران کل تین بنکر بھی تباہ کیے۔ ان میں دو بنکر تافو کوکی اور ایک بنکر تافو لیانگ مئی میں تھا۔
ہندوستھان سماچار
---------------
ہندوستان سماچار / انظر حسن
