انڈین انسٹی ٹیوٹ آف فاریسٹ مینجمنٹ میں شکریہ کی تقریب ہوگی
بھوپال، 23 اگست (ہ س)۔
مدھیہ پردیش کے محکمہ جنگلات میں سرکاری ملازمین کی ترقی (پروموشن) پر وزیر اعلیٰ ڈاکٹر موہن یادو کے تئیں اظہارِ تشکر کی تقریب پیر، 24 اگست کو منعقد کی جائے گی۔ اس تقریب میں جنگلات و ماحولیات کے وزیر مملکت دلیپ اہیروار بطور مہمانِ خصوصی شرکت کریں گے۔ یہ تقریب صبح 11 بجے انڈین انسٹی ٹیوٹ آف فاریسٹ مینجمنٹ (آئی آئی ایف ایم)، نہرو نگر، بھوپال میں منعقد ہوگی۔
رابطہ عامہ افسر کے کے جوشی نے اتوار کو بتایا کہ ترقی پانے والے سرکاری ملازمین اس تقریب میں برسوں سے زیرِ التوا ترقیاں دینے کا عمل مکمل کرنے پر وزیر اعلیٰ ڈاکٹر یادو کا شکریہ ادا کریں گے۔ پروگرام میں محکمہ جنگلات کے اعلیٰ افسران اور ترقی پانے والے سرکاری ملازمین موجود رہیں گے۔ اس تقریب کے ذریعے محکمہ جنگلات میں انسانی وسائل کو مزید بااختیار بنانے اور ملازمین کو نئی ذمہ داریوں کے ساتھ بہتر کارکردگی کے مظاہرے کے لیے حوصلہ افزائی کی جائے گی۔
ہندوستھان سماچار
---------------
ہندوستان سماچار / انظر حسن
