نئی دہلی، 23 اگست (ہ س)۔ نئی دہلی ضلع کے پارلیمنٹ اسٹریٹ تھانے کی عمارت کی دیوار پر احتجاج کے دوران مبینہ طور پر گرافٹی بنانے کے الزام میں دہلی پولیس نے جھارکھنڈ کے ایک نوجوان کو گرفتار کیا ہے۔ پولیس ذرائع کے مطابق گرفتار نوجوان کی شناخت کرن کے طور پر ہوئی ہے۔ یہ واقعہ کانگریس رہنما راہل گاندھی سے متعلق احتجاج کے دوران پیش آیا۔
پولیس نے ملزم کے خلاف دہلی پریوینشن آف ڈیفیسمنٹ آف پراپرٹی ایکٹ کے تحت مقدمہ درج کیا ہے۔ پولیس کے مطابق احتجاج کے دوران کرن نے مبینہ طور پر پارلیمنٹ اسٹریٹ تھانے کی دیوار پر گرافٹی بنا کر سرکاری املاک کو نقصان پہنچایا۔
واقعے کے بعد پولیس نے آس پاس نصب سی سی ٹی وی کیمروں کی فوٹیج کی جانچ کی۔ فوٹیج کی مدد سے ملزم کی شناخت کی گئی، جس کے بعد اسے گرفتار کرلیا گیا۔
تاہم، ملزم کے خلاف عائد دفعات قابل ضمانت ہونے کی وجہ سے گرفتاری کے بعد اسے ضمانت پر رہا کردیا گیا۔ پولیس اب معاملے میں ملزم کے کردار اور گرافٹی بنانے کے پیچھے موجود حالات کی مزید تحقیقات کر رہی ہے۔
ہندوستھان سماچار
ہندوستان سماچار / Mohammad Khan
