سرینگر 22 اگست (ہ س):۔ سرینگر سے تعلق رکھنے والے ایک 18 سالہ نوجوان کی لاش ہفتہ کو وسطی کشمیر کے گاندربل ضلع کے کنگن علاقے میں نالہ سندھ سے برآمد ہوئی، جو نہاتے ہوئے لاپتہ ہو گیا تھا۔ ایک اہلکار نے بتایا کہ نوجوان جمعہ کو کجپارہ میں ڈمپنگ پارک کے قریب نالہ سندھ میں نہا رہا تھا، جس کے بعد وہ ڈوب کر لاپتہ ہو گیا۔ انہوں نے کہا کہ واقعہ کے فوراً بعد پولیس، ایس ڈی آر ایف اور مقامی لوگوں نے علاقے میں تلاشی مہم شروع کی اور تقریباً دو دن کی کوششوں کے بعد پرنگ، کنگن کے قریب سے لاش برآمد ہوئی۔ متوفی کی شناخت دانش بلال (18) ولد بلال احمد حجام ساکن سری نگر کے طور پر ہوئی ہے۔ دریں اثنا، تفتیش شروع کر دی گئی ہے اور طبی قانونی کارروائی کے بعد لاش لواحقین کے حوالے کر دی جائے گی۔ہندوستھان سماچار

ہندوستان سماچار / Aftab Ahmad Mir