لکھنؤ، 21 اگست (ہ س)۔ اتر پردیش میں جمعرات کی دیر رات حکومت نے نو آئی پی ایس افسران کے تبادلے کیے ہیں۔ ان میں جھانسی، میرٹھ، گونڈا سمیت سات اضلاع کے پولیس کپتان بھی شامل ہیں۔میرٹھ کے سینئر سپرنٹنڈنٹ آف پولیس(ایس ایس پی) اویناش پانڈے کو پولیس ہیڈکوارٹر سے منسلک کردیا گیا ہے۔ ان کی جگہ جھانسی کے ایس ایس پی بی بی جی ٹی ایس مورتی کو میرٹھ بھیجا گیا ہے۔بلرام پور کے پولیس کپتان وکاس کمار کو جھانسی کا نیا ایس ایس پی مقرر کیا گیا ہے، جبکہ ہردوئی میں تعینات مرتنڈ پرکاش سنگھ کو بلرام پور کا پولیس سپرنٹنڈنٹ مقرر کیا گیا ہے۔سنبھل میں تعینات کرشن کمار کو بجنور کا نیا پولیس کپتان بنایا گیا ہے، جبکہ بجنور کے پولیس سپرنٹنڈنٹ ابھیشیک کو گونڈا کی ذمہ داری سونپی گئی ہے۔بارہ بنکی کے پولیس کپتان وکاس چندر ترپاٹھی کو سنبھل کا نیا پولیس کپتان مقرر کیا گیا ہے۔اس کے علاوہ گونڈا کے پولیس کپتان ونیت جیسوال کو سلطان پور منتقل کیا گیا ہے، جبکہ سلطان پور کی ایس پی چارو نگم کو یوپی-112 میں پولیس سپرنٹنڈنٹ کی ذمہ داری سونپی گئی ہے۔ہندوستھان سماچار

ہندوستان سماچار / Mohammad Khan