جموں, 21 اگست (ہ س)۔ بہار سے بوڑھا امرناتھ یاترا پر آئے 68 سالہ یاتری کی جمعہ کو پونچھ میں موت ہوگئی۔ متوفی کی شناخت بہار کے گیا ضلع کے بیلا گنج کے رہنے والے دینیش پرساد کے طور پر ہوئی ہے۔حکام کے مطابق دینیش پرساد کو 20 اور 21 اگست کی درمیانی شب قیام گاہ پر سینے میں تکلیف کی شکایت ہوئی، جس کے بعد انہیں رات تقریباً 12 بج کر 15 منٹ پر ضلع اسپتال پونچھ پہنچایا گیا، تاہم وہاں پہنچنے کے بعد ان کی موت ہوگئی۔حکام نے بتایا کہ موت کی وجہ کارڈیک اریسٹ درج کی گئی ہے۔بوڑھا امرناتھ یاترا کو لیفٹیننٹ گورنر منوج سنہا نے 17 اگست کو جموں سے روانہ کیا تھا، جبکہ یاترا 28 اگست تک جاری رہے گی۔

ہندوستھان سماچار

---------------

ہندوستان سماچار / محمد اصغر