رانچی، 21 اگست (ہ س)۔ جھارکھنڈ کے چھ اضلاع میں 23 اگست (اتوار) کو شدیدبارش کا امکان ہے۔ محکمہ موسمیات نے جمعہ کو اس حوالے سے ایلو الرٹ جاری کیا ہے۔ متاثرہ اضلاع میں شمال مغربی علاقے میں پلامو، گڑھوا اور چترا اور جنوب مغربی علاقے میں گملا، سمڈیگا اور مغربی سنگھ بھوم شامل ہیں۔

محکمہ موسمیات کے مطابق ان اضلاع میں اتوار کو گرج چمک کے ساتھ شدید بارش ہو سکتی ہے۔ اس دوران 30 سے 40 کلومیٹر فی گھنٹہ کی رفتار سے تیز ہوائیں چلنے اور کچھ جگہوں پر بجلی گرنے کی بھی توقع ہے۔ محکمہ موسمیات نے لوگوں سے اپیل کی ہے کہ وہ خراب موسم کے دوران چوکس رہیں۔

اس دوران گزشتہ تین چار دنوں سے ہو رہی بارش کے بعد جمعہ کو ریاست کے بیشتر حصوں میں موسم صاف اور خوشگوار رہا۔ بارش نہ ہونے سے لوگوں کو راحت ملی اور ایسا لگتا تھا کہ معمول کی زندگی دوبارہ پٹری پر آ گئی ہے۔ گلیوں اور محلوں میں جمع ہونے والا پانی بھی آہستہ آہستہ کم ہونا شروع ہو گیا ہے۔ لوگوں نے ان علاقوں میں بھی راحت کی سانس لی جہاں بارش کا پانی گھروں میں داخل ہو گیا تھا۔

گریڈیہہ میں گزشتہ 24 گھنٹوں کے دوران ریاست میں سب سے زیادہ 14 ملی میٹر بارش ریکارڈ کی گئی۔ بہراگوڑا میں زیادہ سے زیادہ درجہ حرارت 35.2 ڈگری سیلسیس اور لیتہار میں کم سے کم درجہ حرارت 21.5 ڈگری سیلسیس ریکارڈ کیا گیا۔

جمعہ کو رانچی اور آس پاس کے علاقوں میں صبح سے بادل چھائے ہوئے تھے۔ تاہم بارش نہیں ہوئی۔ دن بھر گرمی اور شدید حبس کی وجہ سے لوگوں کو مشکلات کا سامنا کرنا پڑا۔

جمعہ کو رانچی میں زیادہ سے زیادہ درجہ حرارت 27.1 ڈگری سیلسیس اور کم سے کم 22.6 ڈگری سیلسیس ریکارڈ کیا گیا۔ جمشید پور میں زیادہ سے زیادہ درجہ حرارت 33.7 ڈگری سیلسیس اور کم از کم 25.8 ڈگری سیلسیس ، ڈالٹن گنج میں زیادہ سے زیادہ 32.1 ڈگری سیلسیساور کم سے کم 25.6 ڈگری سیلسیس، بوکارو میں زیادہ سے زیادہ 32.1 ڈگری سیلسیساورکم سے کم 25.6 ڈگری سیلسیس اور چایباسا میں زیادہ سے زیادہ 30.8 ڈگری سیلسیساورکم سے کم 23.6 ڈگری سیلسیس رہا۔

لاتیہار میں زیادہ سے زیادہ درجہ حرارت 27.9 اور کم سے کم 21.5 ڈگری ریکارڈ کیا گیا، سرائکیلامیں زیادہ سے زیادہ 34.5 اورکم سے کم 25.4 ڈگری اور پاکوڑ میں زیادہ سے زیادہ 34 اور کم سے کم 28 ڈگری سیلسیس ریکارڈ کیا گیا۔

ہندوستھان سماچار

---------------

ہندوستان سماچار / عبدالسلام صدیقی