رانچی، 21 اگست (ہ س)۔ جھارکھنڈ اسمبلی کے کچھ ملازمین کو فون کر کے اسمبلی کو بم سے اڑانے کی دھمکی دینےکا معاملہ سامنے آیا ہے۔ فون کرنے والے نے ملازمین سے اسمبلی میں نہ جانے کی بھی تاکید کی۔ جمعہ کو رانچی کے اسمبلی پولیس اسٹیشن میں اس واقعہ کے سلسلے میں ایف آئی آر درج کی گئی ہے۔

پولیس حکام کے مطابق دھمکی کی اطلاع 20 اگست کو ملی۔ معاملہ سامنے آتے ہی رانچی پولیس نے اسے سنجیدگی سے لیا اور اسمبلی کمپلیکس کی سیکورٹی جانچ کروائی گئی۔ بم ڈسپوزل اسکواڈ (بی ڈی ایس) کی ٹیم نے ہر ممکنہ جگہ کی جانچ کرتے ہوئے پورے کمپلیکس کی مکمل تلاشی لی۔ تاہم تفتیش کے دوران کوئی مشکوک چیز یا دھماکہ خیز مواد نہیں ملا۔

سینئر پولیس حکام کے مطابق جس موبائل نمبر سے دھمکی دی گئی تھی، اس کا پتہ لگایا جا رہا ہے۔ ملزمان کی شناخت کے لیے ٹیکنیکل ٹیم تعینات کر دی گئی ہے۔ پولیس کال کی تفصیلات کا جائزہ لے رہی ہے اور یہ جاننے کی کوشش کر رہی ہے کہ دھمکی کس نے اور کس مقصد کے لیے دی تھی۔

قابل ذکر ہے کہ رانچی کے کئی اہم سرکاری اداروں اور پرائیویٹ مال بشمول سول کورٹ، ڈپٹی کمشنر آفس اور پاسپورٹ آفس کو ماضی میں بم کی دھمکیاں مل چکی ہیں۔ سول کورٹ اور ڈپٹی کمشنر آفس کو متعدد بار نشانہ بنائے جانے کی دھمکی دی جا چکی ہے۔ تاہم ہر باربی ڈی ایس ٹیم نے چھان بین یہ دھمکیاں محض افواہ ثابت ہوئیں۔

ہندوستھان سماچار

ہندوستان سماچار / محمد شہزاد