سرینگر، 21 اگست (ہ س)۔ شمالی کشمیرکے بارہمولہ ضلع میں اُوڑی کے راجروانی علاقے میں ایک 45 سالہ ڈمپر ڈرائیور برقی جھٹکا لگنے سے ہلاک ہو گیا اس کی گاڑی 33-کے وی بجلی کی لائن کے ساتھ رابطے میں آگئی۔ ایک اہلکار نے بتایا کہ یہ واقعہ اس وقت پیش آیا جب ڈمپر گاڑی ان لوڈنگ کے دوران اوور ہیڈ 33-KV پاور لائن سے غلطی سے ٹکرائی۔ انہوں نے بتایا کہ ڈرائیور کو بجلی کا جھٹکا لگا اور اسے فوری طور پر تشویشناک حالت میں سب ڈسٹرکٹ ہسپتال (ایس ڈی ایچ) اڑی منتقل کیا گیا، جہاں ڈاکٹروں نے اسے مردہ قرار دیا۔

متوفی بونیار کے علاقے اورنبووا کا رہائشی تھا۔ پولیس نے واقعہ کا نوٹس لیتے ہوئے مزید کارروائی شروع کر دی ہے۔ہندوستھان سماچار

ہندوستان سماچار / Aftab Ahmad Mir