نئی دہلی، 20 اگست (ہ س)۔ گلوبل مارکیٹ سے آج مثبت اشارے مل رہے ہیں۔ امریکی بازار گزشتہ سیشن کے دوران مضبوطی کے ساتھ بند ہوئے۔ ڈاو جونز فیوچرز بھی آج معمولی اضافے کے ساتھ کاروبار کرتا ہوا نظر آ رہا ہے۔ یورپی بازار میں گزشتہ سیشن کے دوران ملا جلا کاروبار ہوتا رہا۔ وہیں ایشیائی بازار میں آج عام طور پر خریداری کا رجحان بنا ہوا ہے۔امریکی ٹریژری کی جانب سے بدھ کو طویل مدتی قرض واپس خریدنے کے اعلان کے سبب بانڈ مارکیٹ کا دباو کم ہوگیا۔ اس کی وجہ سے امریکی شیئر بازار کے سرمایہ کار پُرجوش ہو کر کاروبار کرتے رہے۔ ایس اینڈ پی 500 انڈیکس مسلسل تین دن کی گراوٹ کے بعد واپس برتری حاصل کر کے بند ہونے میں کامیاب رہا۔ یہ انڈیکس 0.21 فیصد کی مضبوطی کے ساتھ 7,707.98 پوائنٹس کی سطح پر بند ہوا۔ اسی طرح نیسڈیک نے 0.16 فیصد کی تیزی کے ساتھ 26,331.09 پوائنٹس کی سطح پر گزشتہ سیشن کے کاروبار کا اختتام کیا۔ وہیں ڈاو جونز فیوچرز آج فی الحال 0.03 فیصد کے معمولی اضافے کے ساتھ 53,480.24 پوائنٹس کی سطح پر کاروبار کرتا ہوا نظر آ رہا ہے۔یورپی بازار گزشتہ سیشن کے دوران ملے جلے نتائج کے ساتھ بند ہوئے۔ ایف ٹی ایس ای انڈیکس 0.14 فیصد کی تیزی کے ساتھ 10,743.35 پوائنٹس کی سطح پر بند ہوا۔ اس کے برعکس سی اے سی انڈیکس نے 0.09 فیصد کی کمزوری کے ساتھ 8,501.91 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ ڈی اے ایکس انڈیکس 0.14 فیصد گر کر 26,091.33 پوائنٹس کی سطح پر بند ہوا۔ایشیائی بازار میں آج عام طور پر خریداری کا رجحان بنا ہوا ہے۔ ایشیا کے نو بازاروں میں سے سات کے انڈیکس مضبوطی کے ساتھ سبز نشان میں کاروبار کر رہے ہیں، جبکہ دو انڈیکس گراوٹ کے ساتھ سرخ نشان میں برقرار ہیں۔ اسٹریٹس ٹائمز انڈیکس 0.48 فیصد گر کر 5,666.79 پوائنٹس کی سطح پر کاروبار کر رہا ہے۔ اسی طرح تائیوان ویٹڈ انڈیکس 178.54 پوائنٹس یعنی 0.40 فیصد گر کر 44,540.81 پوائنٹس کی سطح پر آ گیا ہے۔دوسری جانب، گفٹ نفٹی 160 پوائنٹس یعنی 0.66 فیصد کی مضبوطی کے ساتھ 24,250 پوائنٹس کی سطح پر کاروبار کر رہا ہے۔ اسی طرح نکیئی انڈیکس 598.58 پوائنٹس یعنی 0.92 فیصد کے اضافے کے ساتھ 65,925 پوائنٹس کی سطح پر آ گیا ہے۔ کوسپی انڈیکس میں آج زبردست تیزی بنی ہوئی ہے۔ فی الحال یہ انڈیکس 400.15 پوائنٹس یعنی 5.82 فیصد کے اضافے کے ساتھ 6,871.32 پوائنٹس کی سطح پر کاروبار کر رہا ہے۔جکارتا کمپوزٹ انڈیکس نے بھی آج زوردار چھلانگ لگائی ہے۔ فی الحال یہ انڈیکس 79.87 پوائنٹس یعنی 1.25 فیصد کے اضافے کے ساتھ 6,473.99 پوائنٹس کی سطح پر آ گیا ہے۔ اسی طرح ہینگ سینگ انڈیکس 292.93 پوائنٹس یعنی 1.15 فیصد کی مضبوطی کے ساتھ 25,788 پوائنٹس کی سطح پر کاروبار کر رہا ہے۔ اس کے علاوہ سیٹ کمپوزٹ انڈیکس 0.31 فیصد کے اضافے کے ساتھ 1,614.83 پوائنٹس کی سطح پر اور شنگھائی کمپوزٹ انڈیکس 0.28 فیصد کی تیزی کے ساتھ 3,905.23 پوائنٹس کی سطح پر کاروبار کر رہے ہیں۔ہندوستھان سماچار

---------------

ہندوستان سماچار / انظر حسن