لکھنؤ، 2 اگست (ہ س): کانوڑ یاترا اور ممکنہ دہشت گردانہ حملے کے خدشے کے پیش نظر اتر پردیش کو ہائی الرٹ پر رکھا گیا ہے۔ وزیر اعلیٰ کی رہائش گاہ، قانون ساز اسمبلی اور ریلوے اسٹیشنوں پر سیکورٹی بڑھا دی گئی ہے۔

وزیر اعلیٰ یوگی آدتیہ ناتھ نے ہفتہ کی رات دیر گئے ایک میٹنگ کی اور پولیس حکام کو ریاست بھر میں کانوڑ یاترا کے سلسلے میں احتیاط اور چوکسی برتنے کے ساتھ ساتھ حساس علاقوں میں اضافی فورس تعینات کرنے کی ہدایت دی۔

اس کے بعد ریاست کے پولیس سربراہ راجیو کرشنا نے لکھنؤ کے اہم مقامات بشمول ودھان بھون، پولیس ہیڈکوارٹر، ریلوے اسٹیشن اور بس ٹرمینلز پر سخت حفاظتی انتظامات کو یقینی بنانے کی ہدایات جاری کیں۔ عہدیداروں کو ہدایت دی گئی ہے کہ وہ کانوڑ یاترا پر کڑی نظر رکھیں، مناسب سیکورٹی کو یقینی بنائیں اور سی سی ٹی وی کیمروں کے ذریعہ کارروائی کی نگرانی کریں۔ یوپی اے ٹی ایس اور ایس ٹی ایف سمیت مختلف ایجنسیوں کو بھی ہائی الرٹ پر رکھا گیا ہے۔ سوشل میڈیا کی سرگرمیوں پر بھی نظر رکھی جا رہی ہے۔

ہندوستھان سماچار

---------------

ہندوستان سماچار / عبدالواحد