نئی دہلی، 02 اگست (ہ س)۔ صدر جمہوریہ دروپدی مرمو نے اتوار کو راشٹرپتی بھون کے احاطے میں منعقدہ ایک خصوصی تقریب کے دوران ’پی بی جی سولجرتھون‘ کو ہری جھنڈی دکھا کر روانہ کیا۔

یہ تقریب ’رن فار سولجرز، رن ود سولجرز‘ (سپاہیوں کے لیے دوڑیں، سپاہیوں کے ساتھ دوڑیں) کے دور اندیشانہ عزم پر مبنی ہے، جس کا مقصد عام شہریوں اور ملک کی مسلح افواج کے درمیان تعلقات کو مزید استوار اور مضبوط بنانا ہے۔

صدر جمہوریہ مرمو نے ایکس پر لکھا، ’’اس کا مرکز ’سپورٹنگ ریئل ہیروز - دی آرمڈ فورسز آف انڈیا‘ (اصلی ہیروز - ہندوستان کی مسلح افواج کا تعاون) موضوع پر ہے، یہ پروگرام ہمارے سپاہیوں کے خلوص، شجاعت اور قربانی کو خراجِ تحسین پیش کرتا ہے، ساتھ ہی شہریوں کو فعال طور پر حصہ لے کر ان کے ساتھ یکجہتی کا اظہار کرنے کی ترغیب دیتا ہے۔‘‘

راشٹرپتی بھون سکریٹریٹ کے مطابق، اس موقع پر میزورم کے گورنر اور اس پہل کے سرپرست جنرل (ڈاکٹر) وی کے سنگھ بھی موجود تھے۔ ’رن فار سولجرز، رن ود سولجرز‘ عام شہریوں اور مسلح افواج کے درمیان تعلقات کو مضبوط بنانے کا ایک منفرد پلیٹ فارم ہے۔

ہندوستھان سماچار

---------------

ہندوستان سماچار / انظر حسن