نئی دہلی، 19 اگست(ہ س)۔ ایئر نیوزی لینڈ نے ایئر انڈیا کے سبکدوش ہونے والے چیف ایگزیکٹو آفیسر (سی ای او) کیمبل ولسن کو اپنے بورڈ آف ڈائریکٹرز میں شامل کیا ہے۔ایئر نیوزی لینڈ نے بدھ کو اسٹاک ایکسچینج کو ایک ریگولیٹری فائلنگ میں کہا، سابق ایئر لائن ایگزیکٹوز کیمبل ولسن اور رابرٹ میکڈونلڈ کو بورڈ آف ڈائریکٹرز میں شامل کیا گیا ہے۔ یہ تقرری ایئر لائن کے سالانہ عام اجلاس میں ووٹ کے ذریعے ان کے دوبارہ انتخاب سے مشروط ہے۔ کمپنی نے کہا کہ ایئر نیوزی لینڈ کی سالانہ جنرل میٹنگ (اے ایس ایم) 24 ستمبر کو ہوگی۔ ولسن نیوزی لینڈ کا باشندہ ہیں۔ ولسن کو ہوا بازی میں تین دہائیوں سے زیادہ کا تجربہ ہے اور وہ سنگاپور ایئر لائنز میں مختلف سینئر ایگزیکٹو عہدوں پر فائز رہے ہیں۔ایئر انڈیا اور اس کی تبدیلی کی کوششوں کی قیادت کرنے والے ولسن کے استعفے کا اعلان ایئر انڈیا نے 7 اپریل کو کیا تھا۔نقصانمیں چل رہے ٹاٹا گروپ کی سربراہی میں ایئر انڈیا نے ایتھوپین ایئر لائنز گروپ کے سابق سربراہ ٹیولڈے گیبری مریم کو اپنا سی ای او اور ایم ڈی مقرر کیا ہے۔

ہندوستھان سماچار

---------------

ہندوستان سماچار / عبدالسلام صدیقی