نئی دہلی، 18 اگست (ہ س)۔ گھریلو شیئر بازار میں آج کاروبار کی شروعات دباؤ کے ساتھ ہوئی۔ بازار کھلنے کے کچھ دیر بعد خریداری کے سپورٹ سے سینسیکس اور نفٹی، دونوں اشاریوں کی رفتار میں معمولی تیزی آئی۔ کچھ دیر بعد دونوں فروخت کے دباؤ میں آ گئے۔ پہلے ایک گھنٹے کے کاروبار کے بعد سینسیکس 0.45 فیصد اور نفٹی 0.32 فیصد کی کمزوری کے ساتھ رہے۔
بی ایس ای کا سینسیکس 309.19 پوائنٹس یعنی 0.40 فیصد کی گراوٹ کے ساتھ 77,418.97 پوائنٹس کی سطح پر کھلا۔ کچھ دیر بعد خریداروں نے خریداری شروع کر دی۔ اس سے یہ انڈیکس اچھل کر 77,575.21 پوائنٹس کی سطح تک پہنچ گیا۔ تاہم، یہ اس سطح پر برقرار نہیں رہ سکا۔ کچھ وقفے کے بعد فروخت کا ایسا دباؤ بنا کہ یہ انڈیکس مسلسل گرتا چلا گیا۔ خرید و فروخت کے درمیان پہلے ایک گھنٹے کا کاروبار مکمل ہونے کے بعد صبح 10:15 بجے سینسیکس 346.56 پوائنٹس کی کمزوری کے ساتھ 77,381.60 پوائنٹس کی سطح پر کاروبار کرتا نظر آیا۔
این ایس ای کے نفٹی نے بھی 63.80 پوائنٹس یعنی 0.26 فیصد کی گراوٹ کے ساتھ 24,223.85 پوائنٹس کی سطح سے کاروبار کا آغاز کیا۔ کچھ دیر بعد ہی خریداری کے سپورٹ سے یہ انڈیکس 24,269.65 پوائنٹس کی سطح تک پہنچ گیا۔ اس کے بعد فروخت شروع ہوگئی اور اس انڈیکس کی کمزوری بڑھتی چلی گئی۔ صبح 10:15 بجے نفٹی 77.15 پوائنٹس یعنی 0.32 فیصد ٹوٹ کر 24,210.50 پوائنٹس کی سطح پر آ گیا۔
اب تک کے کاروبار میں اسٹاک مارکیٹ میں 2,821 شیئروں میں فعال کاروبار ہوا۔ ان میں سے 1,303 شیئر منافع کما کر سبز نشان پر، جبکہ 1,518 شیئر نقصان اٹھا کر سرخ نشان پر آ گئے۔ سینسیکس میں شامل 30 شیئروں میں سے 9 شیئر خریداری کے سپورٹ سے سبز نشان پر دکھائی دیے۔ 21 شیئر فروخت کے دباؤ میں سرخ نشان میں کاروبار کرتے نظر آئے۔ نفٹی میں شامل 50 شیئروں میں سے 22 شیئر سبز نشان میں اور 28 شیئر سرخ نشان میں کاروبار کرتے نظر آئے۔
صبح سوا 10 بجے کے بعد اسٹاک مارکیٹ کی بڑی کمپنیوں میں گراسِم انڈسٹریز، اپولو ہاسپٹلس، اڈانی انٹرپرائزز، ایکسس بینک اور مہندرا اینڈ مہندرا کے شیئر 1.20 فیصد سے لے کر 0.74 فیصد کی مضبوطی کے ساتھ، جبکہ انفوسس، بھارتی ایئرٹیل، ایشین پینٹس، وِپرو اور انٹرگلوب ایوی ایشن کے شیئر 1.69 فیصد سے لے کر 1.23 فیصد کی کمزوری کے ساتھ کاروبار کرتے نظر آئے۔
اس سے پہلے پیر کو سینسیکس 281.09 پوائنٹس یعنی 0.36 فیصد کی کمزوری کے ساتھ 77,728.16 پوائنٹس کی سطح پر بند ہوا تھا۔ نفٹی نے 78.35 پوائنٹس یعنی 0.32 فیصد کی گراوٹ کے ساتھ 24,287.65 پوائنٹس کی سطح پر کاروبار کا اختتام کیا تھا۔
ہندوستھان سماچار
---------------
ہندوستان سماچار / عبدالواحد
