نئی دہلی، 18 اگست (ہ س)۔ گلوبل مارکیٹ سے آج کمزوری کے اشارے مل رہے ہیں۔ امریکی بازار گزشتہ سیشن کے دوران گراوٹ کے ساتھ بند ہوئے۔ ڈاو جونز فیوچرز بھی آج سستی کے ساتھ کاروبار کرتا ہوا نظر آ رہا ہے۔ یورپی بازار میں بھی گزشتہ سیشن کے دوران فروخت کا دباو بنا رہا۔ اسی طرح ایشیا میں بھی آج عام طور پر دباو بنا ہوا نظر آ رہا ہے۔امریکہ اور ایران کے درمیان جاری کشیدگی اور مہنگائی کی تشویش کے سبب امریکی ٹریژری ییلڈ میں اضافے کا رجحان برقرار ہے۔ اس کی وجہ سے وال اسٹریٹ کے انڈیکس گزشتہ سیشن کے دوران دباو میں کاروبار کرتے رہے۔ ایس اینڈ پی 500 انڈیکس 0.52 فیصد کی کمزوری کے ساتھ 7,745.06 پوائنٹس کی سطح پر بند ہوا۔ اسی طرح نیسڈیک نے 0.32 فیصد گر کر 26,644.91 پوائنٹس کی سطح پر گزشتہ سیشن کے کاروبار کا اختتام کیا۔ وہیں ڈاو جونز فیوچرز آج فی الحال 0.09 فیصد گر کر 53,410.11 پوائنٹس کی سطح پر کاروبار کرتا ہوا نظر آ رہا ہے۔یورپی بازار میں بھی گزشتہ سیشن کے دوران مسلسل فروخت ہوتی رہی۔ ایف ٹی ایس ای انڈیکس 0.28 فیصد کی کمزوری کے ساتھ 10,720.30 پوائنٹس کی سطح پر بند ہوا۔ اسی طرح سی اے سی انڈیکس نے 0.67 فیصد کی گراوٹ کے ساتھ 8,579.60 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ ڈی اے ایکس انڈیکس 101.70 پوائنٹس یعنی 0.39 فیصد گر کر 26,338.61 پوائنٹس کی سطح پر بند ہوا۔ایشیائی بازار میں آج عام طور پر فروخت کا دباو بنا ہوا نظر آ رہا ہے۔ ایشیا کے نو بازاروں میں سے آٹھ کے انڈیکس گراوٹ کے ساتھ سرخ نشان میں کاروبار کر رہے ہیں، جبکہ صرف ایک انڈیکس اضافے کے ساتھ سبز نشان میں برقرار ہے۔ ایشیائی بازاروں میں اکلوتا انڈونیشیا اسٹاک ایکسچینج کا جکارتا کمپوزٹ انڈیکس 75.32 پوائنٹس یعنی 1.18 فیصد کی مضبوطی کے ساتھ 6,477.21 پوائنٹس کی سطح پر کاروبار کر رہا ہے۔دوسری جانب، گفٹ نفٹی 130.50 پوائنٹس یعنی 0.54 فیصد کی کمزوری کے ساتھ 24,244.50 پوائنٹس کی سطح پر کاروبار کر رہا ہے۔ اسی طرح ہینگ سینگ انڈیکس 182.23 پوائنٹس یعنی 0.72 فیصد گر کر 25,271 پوائنٹس کی سطح تک آ گیا ہے۔ نکیئی انڈیکس میں آج بڑی گراوٹ نظر آ رہی ہے۔ فی الحال یہ انڈیکس 1,295.25 پوائنٹس یعنی 1.87 فیصد گر کر 67,925 پوائنٹس کی سطح پر پہنچا ہوا ہے۔اسٹریٹس ٹائمز انڈیکس میں بھی آج بڑی کمزوری نظر آ رہی ہے۔ فی الحال یہ انڈیکس 1.21 فیصد گر کر 5,698.91 پوائنٹس کی سطح پر پہنچا ہوا ہے۔ وہیں تائیوان ویٹڈ انڈیکس 463.98 پوائنٹس یعنی 1.01 فیصد گر کر 45,393.29 پوائنٹس کی سطح پر آ گیا ہے۔ اس کے علاوہ کوسپی انڈیکس 0.58 فیصد گر کر 6,937.21 پوائنٹس کی سطح پر، شنگھائی کمپوزٹ انڈیکس 0.39 فیصد کی گراوٹ کے ساتھ 3,966.99 پوائنٹس کی سطح پر اور سیٹ کمپوزٹ انڈیکس 0.09 فیصد کی کمزوری کے ساتھ 1,625.04 پوائنٹس کی سطح پر کاروبار کر رہے ہیں۔ہندوستھان سماچار

---------------

ہندوستان سماچار / انظر حسن