پٹنہ،10،اگست(ہ س)۔ آئندہ تین دنوں کے دوران بہار کے مختلف حصوں میں تیز ہواؤں، آندھی، بارش اور بجلی گرنے کا ایلوالرٹ جاری کیا گیا ہے۔ پہلے دو روز کے دوران جنوب مغربی اور مشرقی اضلاع میں موسم خوشگوار رہے گا۔ 12 اور 13 اگست کو شمالی بہار کے تقریباً تمام اضلاع میں موسم کا مزاج بدلنے کی امید ہے۔ سیمانچل کے کچھ علاقوں میں بھی موسلادھار بارش کی توقع ہے۔ محکمہ موسمیات نے کسانوں اور عام لوگوں کو مشورہ دیا ہے کہ وہ محتاط رہیں اور اس خراب موسم کے دوران باہر جانے سے گریز کریں۔

محکمہ موسمیات کے مطابق 11 اگست کو ریاست کے دو بڑے حصوں کے لیے یلو الرٹ جاری کیا جائے گا۔ سپول، ارریہ، کشن گنج، سہرسہ، مدھے پورہ، پورنیہ اور کٹیہار میں 30-40 کلومیٹر فی گھنٹہ کی رفتار سے بجلی اور تیز ہواؤں کی توقع ہے۔ اس کے علاوہ جنوب مغربی خطہ کے اضلاع، جیسے بکسر، بھوجپور، کیمور، روہتاس، اورنگ آباد، ارول کے لیے گرج چمک اور بجلی گرنے کا الرٹ جاری کیا گیا ہے۔ دریں اثنا پٹنہ، گیا، مظفر پور، دربھنگہ اور بھاگلپور سمیت باقی وسط اور شمالی اضلاع میں موسم عام طور پر صاف رہے گا۔ 12 اگست کو موسم شمالی بہار کے علاقوں میں سب سے زیادہ متاثر ہوگا۔ آئی ایم ڈی پٹنہ نے مغربی چمپارن، مشرقی چمپارن، سیتامڑھی، شیوہر، مدھوبنی، گوپال گنج، سیوان، مظفر پور، دربھنگہ، سارن، ویشالی، سمستی پور، سپول، ارریہ، کشن گنج، سہرسہ، مدھے پورہ، پورنیہ کے لیے یلو الرٹ جاری کیا ہے۔ ان تمام اضلاع میں بجلی اور آندھی کے ساتھ 30-40 کلومیٹر فی گھنٹہ کی رفتار سے ہوائیں چلنے کی توقع ہے۔ پٹنہ، بکسر، بھوجپور، روہتاس، گیا، نوادہ، اورنگ آباد، اور بھاگلپور اس دن گرین زون میں رہیں گے، اور وہاں موسم معمول پر رہنے کی امید ہے۔

13 اگست کو شمالی بہار کے تمام اضلاع کے ساتھ ساتھ مشرقی بہار کے مونگیر، کھگڑیا، بھاگلپور، بانکا اور جموئی اضلاع کے لیے یلو الرٹ جاری کیا جائے گا۔ کشن گنج اور کٹیہار کے آس پاس کے علاقوں میں گرج چمک اور تیز ہواؤں کے ساتھ موسلادھار بارش کی پیشن گوئی کی گئی ہے۔ پٹنہ، نالندہ، گیا، اورنگ آباد اور روہتاس گرین زون میں رہیں گے۔ شمالی اور مشرقی بہار میں بجلی اور گرج چمک کے ساتھ ہلکی سے درمیانی بارش کا سلسلہ جاری رہے گا۔

ہندوستھان سماچار

ہندوستان سماچار / Mohammad Afzal Hassan