جموں، 10 اگست (ہ س)۔

جموں و کشمیر کی وزیر تعلیم سکینہ ایتو نے پیر کو جموں میں پیش آئے المناک حادثے میں زخمی طلبہ کی اسپتال پہنچ کر عیادت کی اور ان کی صحت و علاج کے بارے میں معلومات حاصل کیں۔

وزیر تعلیم نے زخمی طلبہ سے ملاقات کرکے ان کی حالت کا جائزہ لیا۔ انہوں نے اسپتال انتظامیہ اور ڈاکٹروں کو ہدایت دی کہ زخمیوں کو بہترین طبی سہولیات فراہم کی جائیں اور ان کی چوبیس گھنٹے نگرانی یقینی بنائی جائے۔سکینہ ایتو نے کہا کہ زخمی طلبہ کی صحت حکومت کی اولین ترجیح ہے اور انہیں علاج کی ہر ممکن سہولت فراہم کی جائے گی۔ انہوں نے متعلقہ حکام کو ہدایت دی کہ ضرورت کے مطابق تمام طبی مداخلت اور علاج فوری طور پر دستیاب کرایا جائے۔وزیر تعلیم نے حادثے سے متاثرہ طلبہ کے اہل خانہ سے اظہارِ یکجہتی کرتے ہوئے یقین دلایا کہ حکومت اس مشکل گھڑی میں ان کے ساتھ کھڑی ہے۔

ہندوستھان سماچار

ہندوستان سماچار / محمد اصغر