نئی دہلی، 30 جولائی (ہ س)۔ اپوزیشن اراکین پارلیمنٹ نے جمعرات کو پارلیمنٹ کے مانسون اجلاس کے دوران مختلف مسائل پر پارلیمنٹ کے احاطے میںنعرہ بازی کرتے ہوئے احتجاج کیا۔ حزب اختلاف نے طلبہ مظاہرین پر مبینہ پولیس کریک ڈاون اور رام مندر کے چڑھاوا میں مبینہ گڑبڑی پر حکومت کو نشانہ بنایا۔کانگریس اور دیگر اپوزیشن جماعتوں کے ممبران پارلیمنٹ نے 20 جولائی کو دہلی میں ہونے والے طلبہ کے احتجاج کے دوران پولیس کی طرف سے مبینہ پیلٹ گن کی کارروائی کے خلاف احتجاج کرتے ہوئے مکر دوار کے قریب احتجاج کیا۔ اپوزیشن نے وزیر داخلہ امت شاہ سے اس معاملے میں معافی مانگنے کا مطالبہ کیا اور طلبہ کے خلاف درج تمام ایف آئی آر واپس لینے کا مطالبہ کیا۔سماج وادی پارٹی کے ممبران پارلیمنٹ نے رام مندر کے چڑھاوامیں مبینہ بے ضابطگیوں پر پارلیمنٹ کے احاطے میں احتجاج کیا۔ اس دوران ممبران پارلیمنٹ نے چڑھاواچور، گدی چھوڑ کے نعرے لگائے اور اپنا احتجاج درج کرانے کے لیے بینرز دکھائے۔کانگریس رہنماو¿ں نے کہا کہ طلبہ کی تحریک پر پولیس کی کارروائی جمہوری حقوق کے خلاف ہے۔ انہوں نے اس معاملے پر مرکزی حکومت سے جواب اور وزیر اعظم اور وزیر داخلہ سے عوامی معافی کا بھی مطالبہ کیا۔

ہندوستھان سماچار

---------------

ہندوستان سماچار / عبدالسلام صدیقی