جن سوراج کے بانی پرشانت کشور این ڈی اے امیدوار کے لئے کوئی چیلنج نہیں : للن سنگھپٹنہ، 30 جولائی (ہ س)۔ بہارمیں مونگیر سے رکن پارلیمنٹ جنتا دل یونائیٹڈ (جے ڈی یو) سے مرکزی وزیر للن سنگھ نے بانکی پور اسمبلی ضمنی انتخاب میں اپنے حق رائے دہی کا استعمال کیا۔ للن سنگھ بانکی پور اسمبلی حلقہ کے ووٹر ہیں۔ اپنا ووٹ ڈالنے کے بعد انہوں نے بی جے پی امیدوار کی جیت کا دعویٰ کیا اور کہا کہ پرشانت کشور نیشنل ڈیموکریٹک الائنس (این ڈی اے) کے لئے کوئی چیلنج نہیں ہیں۔

مرکزی وزیر للن سنگھ نے کہا کہ پرشانت کشور کوئی چیلنج نہیں ہیں۔ گزشتہ اسمبلی انتخابات میں وہ مضبوط دعویدار تھے، لیکن اس بار ان کی جیت کا کوئی امکان یا امید نہیں ہے۔ پرشانت کشور مونگیری لال کے حسین خواب دیکھیں۔ خالی بیان بازی پر یقین رکھنے والوں کو بہار قبول نہیں کرتا ہے۔ اس دوران پرشانت کشور نے الزام لگایا کہ یہ الیکشن بی جے پی نہیں بلکہ پولیس لڑ رہی ہے۔ انہوں نے الزام لگایا ہے کہ پٹنہ پولیس ووٹروں اور جن سوراج کارکنوں کو ڈرا رہی ہے۔ انہوں نے کہا کہ جن سوراج کے 20 سے زائد کارکنوں کو گرفتار کیا گیا ہے۔ انہوں نے دعویٰ کیا کہ پولیس کی اس کارروائی کا الٹا اثر ہوا ہے۔

بانکی پور اسمبلی ضمنی انتخاب میں آر جے ڈی امیدوار ریکھا گپتا نے بھی جیت کا دعویٰ کیا ہے۔ انہوں نے کہا کہ عوام یہ الیکشن لڑ رہی ہے اور اس بار علاقے میں تبدیلی آئے گی۔ انہوں نے بی جے پی پر بھی الزام لگایا۔ انہوں نے کہا کہ عوام یہ الیکشن تبدیلی کے لیے لڑ رہی ہے۔ بی جے پی نے صرف سازشیں کی یت۔ عوام یہ الیکشن لڑ رہی ہے اور اس بار تبدیلی آئے گی۔ اس نے جیت کا دعویٰ کیا۔

ہندوستھان سماچار

ہندوستان سماچار / Mohammad Afzal Hassan