جموں, 30 جولائی (ہ س): شمالی ریلوے نے بانہال بڈگام بارہمولہ ریلوے سیکشن پر چلنے والی تین مسافر ٹرینوں کی معطلی میں 14 اگست 2026 تک توسیع کر دی ہے۔ یہ فیصلہ ریلوے ٹریک کی مرمت اور لانگ ویلڈیڈ ریل کی ہائی ٹمپریچر ڈی اسٹریسنگ کے کام کے پیش نظر کیا گیا ہے۔

ڈویژنل ریلوے منیجر (ڈی آر ایم) جموں کے دفتر کی جانب سے جاری تازہ نوٹس کے مطابق، 31 جولائی سے 14 اگست تک ٹرین نمبر 74615 (بانہال–بارہمولہ)، ٹرین نمبر 74632 (بارہمولہ–بڈگام) اور ٹرین نمبر 74628 (بڈگام–بانہال) کی خدمات معطل رہیں گی۔

اس فیصلے کے باعث صبح 10:50 بجے بانہال سے بارہمولہ روانہ ہونے والی مسافر ٹرین بھی مذکورہ مدت تک نہیں چلے گی۔ اس ٹرین سے روزانہ سفر کرنے والے مسافروں، طلبہ اور ملازمین کو متبادل سفری انتظامات کرنے ہوں گے۔ریلوے حکام کے مطابق ٹریک کی مرمت اور ریل کی ڈی اسٹریسنگ کا کام ٹرینوں کی محفوظ اور ہموار آمدورفت کو یقینی بنانے کے لیے کیا جا رہا ہے۔ مسافروں کو ہدایت دی گئی ہے کہ سفر سے قبل تازہ ترین ٹرین شیڈول معلوم کریں اور اسی کے مطابق اپنے سفر کی منصوبہ بندی کریں۔

ہندوستھان سماچار

---------------

ہندوستان سماچار / محمد اصغر