رانچی، 30 جولائی (ہ س)۔ ریاست آہستہ آہستہ معمول کی بارش کی طرف بڑھ رہی ہے۔ محکمہ موسمیات نے جمعرات کو کہا کہ جھارکھنڈ میں جون میں معمول سے 45 فیصد بارش کی کمی تھی ، اب یہ گر کر 25 فیصد رہ گئی ہے۔ یکم جون سے 30 جولائی تک،499.3 ملی میٹر کے مقابلے ریاست میں 372.6 ملی میٹر بارش ریکارڈ کی گئی۔

ادھر ، گزشتہ 24 گھنٹوں کے دوران ریاست میں سب سے زیادہ بارش مغربی سنگھ بھوم ضلع کے تانت نگر میں 37.2 ملی میٹر ریکارڈ کی گئی۔ وہیں اس دوران ، اس مدت کے دوران ریاست میں سب سے زیادہ درجہ حرارت سرائیکیلا میں 33.5 ڈگری سیلسیس ریکارڈ کیا گیا اور سب سے کم درجہ حرارت رانچی کے کانکے میں 20.6 ڈگری سیلسیس ریکارڈ کیا گیا۔

جمعرات کو، رانچی اور آس پاس کے علاقوں میں صبح سے مطلع ابر آلو د رہاجب کہ دوپہر بعد موسم صاف ہوا اور درمیان میں دھوپ نکلی رہی ۔ اس کے نتیجے میں گرمی اور نمی پیدا ہوئی۔

دریں اثنا، رانچی میں جمعرات کو زیادہ سے زیادہ درجہ حرارت 29.2 ڈگری سیلسیس اور کم سے کم 22.9 ڈگری سیلسیس ریکارڈ کیا گیا۔ جمشید پور میں زیادہ سے زیادہ درجہ حرارت 32.1 ڈگری سیلسیس اور کم سے کم 25.7 ڈگری سیلسیس، ڈالٹن گنج میں زیادہ سے زیادہ 32.2 ڈگری سیلسیس اور کم سے کم 24.9 ڈگری سیلسیس، بوکارو میں زیادہ سے زیادہ 31.2 ڈگری سیلسیس اور کم سے کم 25 ڈگری سیلسیس اور 5 ڈگری سیلسیس ریکارڈ کیا گیا۔ چائباسا میں درجہ حرارت زیادہ سے زیادہ 33.4 ڈگری سیلسیس اور کم سے کم 23.6 ڈگری سیلسیس درج کیا گیا۔

ہندوستھان سماچار

ہندوستان سماچار / محمد شہزاد