نئی دہلی، 30 جولائی (ہ س)۔ این ای ای ٹی-2026 میں شرکت کرنے والے ایک طالب علم نے دہلی ہائی کورٹ میں الزام لگایا ہے کہ نیشنل ٹیسٹنگ ایجنسی (این ٹی اے) نے 24 گھنٹے کے اندر تین بار اپنے امتحان کے نتائج میں تبدیلی کی ہے۔ طالب علم کا الزام ہے کہ 24 گھنٹوں کے اندر اس کا اسکور 650 سے کم ہو کر 500 اور بعد میں 135 ہو گیا۔

عرضی میں طالب علم نے کہا ہے کہ این ٹی اے کی ویب سائٹ پر دکھائی گئی او ایم آر شیٹ اس نے نہیں بھری ہے۔ درخواست میں طالب علم نے اپنی اصل فزیکل او ایم آر جوابی شیٹ کو محفوظ رکھنے کی درخواست کی ہے اور اس کی آزادانہ تصدیق کی درخواست کی ہے۔ درخواست گزار کی طرف سے پیش ہوئے وکیل ونیت جندل نے کہا ہے کہ طالب علم کے امتحان سے متعلق تمام ریکارڈ دستیاب کرائے جائیں تاکہ آزادانہ تصدیق کی جا سکے۔

درخواست گزار طالب علم 21 جون کو منعقدہ این ای ای ٹی 2026 کے دوبارہ امتحان میں شریک ہوا تھا۔ جب انہوں نے پروویژنل اور فائنل انسر کی کا موازنہ کیا تو تو انہوں نے اندازہ لگایا کہ انہیں 620 پوائنٹس ملیں گے۔ لیکن 16 جولائی کو نتیجہ شائع ہوا تو اسے ابتدائی طور پر این ٹی اے پورٹل پر 650 نمبر ملے تھے۔ پہلی بار اس کے نمبر دیکھنے کے بعد جب اس نے پورٹل سے لاگ آو¿ٹ کرنے کے بعد لاگ ان کیا تو اس کا اسکور بدل کر 500 کر دیا گیا۔ اگلے دن ان کا اسکور مزید کم ہو کر 135 رہ گیا۔

ہندوستان سماچار

---------------

ہندوستان سماچار / عبدالسلام صدیقی